Sot me 27 janar dita e Kujtesës së Holokaustit të popullit hebraik e të çdo gjenocidi
tjetër
(27.1.2010 RV)Në shumë Vende evropiane sot shënohet Dita e Kujtesës, për të
mos harruar shfarosjen naziste të gjashtë milion hebrenjve. Kujtimi i referohet asaj
çka ka ndodhur gjatë Luftës së Dytë Botërore e stabilitetit të paqes me palestinezët
që Shteti i Izraelit është duke kërkuar sot. E Dita e kujtimit të shfarosjes së
hebrenjve nga nazistët shënohet me emocion të posaçëm në Poloni, në territorin e së
cilës dhe ndodhej kampi i përqendrimit me pjesëmarrje të autoriteteve evropiane, shtetërore
e të vetë kryeministrin të Izraelit, Netanjahu si dhe të mbijetuarve nga kampi i përqendrimit,
veteranëve të luftës e personaliteteve dhe qytetarëve. Po kujtojmë se në vitin
2005, OKB e caktoi datën 27 Janar – datë e çlirimit të kampit të Aushvicit – si një
Ditë Ndërkombëtare në kujtim të Shoahut, për t’i nderuar gjashtë milion hebrenjtë
dhe miliona të tjerët që u vranë nga nazistët gjatë luftës.