Në Haiti dridhet përsëri toka. Shpërndarja e ndihmave vazhdon mes vështirësi të mëdha
(27.1.2010 RV)Një dridhje e fortë prej 4.9 ballë të shkallës Rihter është regjistruar
në pjesën perëndimore të Haiti 15 ditë pas tërmetit prej 7 ballë të shkallës Rihter
që ka shkatërruar kryeqytetin Port-o-Prens. Ndërkaq, derisa vazhdon organizimi i shpërndarjes
së ndihmave humanitare, nga gërmadhat, megjithëse zyrtarisht kanë përfunduar kërkimet
e të mbijetuarve, forcat amerikane kanë nxjerr një tjetër person të gjallë. Situata
vazhdon të jetë tejet e rëndë. Emergjenca e parë po shkon drejt përfundimit, e
tani duhet menduar për fazën e dytë atë të asistencës së mijëra personave. Flitet
për gati 800 mijë persona që këto çaste janë pa shtëpi, sidomos në Port-oPrens. Pastaj
kemi 250 mijë persona që kanë ikur nga kryeqyteti. Njëkohësisht duhet menduar edhe
për projekte me afat të gjatë, për ndërtimin e shtëpive, të strukturave e kësaj duhet
shtuar problemin e madh të varfërisë së banorëve të Haiti që kanë nevojë për fituar
diçka për të filluar rimëkëmbjen.