Papa Racinger mesazh urimi Patriarkut të ri të Kishës serbe, të punojë për bashkim
e dialog ekumenik.
Papa Racinger i dërgon një mesazh urimi Patriarkut të ri të Kishës serbe, Irinej,
80 vjeç, i zgjedhur dje në Beograd nga Sinodi i Shenjtë në udhëheqje të Kishës ortodokse
serbe. Benedikti XVI në mesazhin e tij drejtuar patriarkut të ri ortodoks serb,
i uron “forcën e brendshme për konsolidimin e bashkimit e të rritjes shpirtërore të
Kishës ortodokse serbe, si dhe për ndërtimin e lidhjeve vëllazërore me Kishat tjera
e me bashkësitë kishtare”. Ati i Shenjtë më tej kërkon bekimin e Zotit mbi angazhimin
e përbashkët të dy Kisha “ në mënyrë që dishepujt e Krishtit të mund të jetë përsëri
të bashkuar në dëshmimin para tërë botës të dashurisë së tij hyjnore shpëtimtare”.