Քրիստոնեաներու միութեան աղօթքի շաբաթ։

Հինգերորդ օր` ''Միթէ Քրիստոս այս բոլոր չարչարանքները պէտք չէ՞ր կրել փառքի մէջ մտնելու համար''

Քրիստոնեաներու աղօթքի միութեան շաբաթուան առթիւ, 25 յունուար 2010ին, Պենետիկտոս ԺԶ Քահանայապետին կը ներկայացուի հատոր մը Պօղոս առաքեալի մասին, շարադրուած՝ քրիստոնեայ զանազան կրօնապետերու կողմէ։

Այս հատորը լոկ համամիութենական բնոյթ ունի։ Հատորը կը ներկայացնէ ՜՜Պօղոս առաքեալի կեանքը եւ անոր ազդեցութիւնը քրիստոնէութեան վրայ՝՝։

Հատորը նաեւ կը ներփակէ մանրանկարներ Պօղոս առաքեալի մասին։

Ի դէպ, այս հատորը, որ լոյս տեսաւ Հռոմի Պօղոս առաքեալի պազելիքայի Պենետիկտեան հայրերու ջանքերով. կը ներփակէ յօդուածներ շարադրուած՝ քրիստոնեայ կրօնապետերու կողմէ, ինչպէս Կ.Պոլսոյ Տիեզերական պատրիարք Բարդողոմիոս Ա, Մելքիթներու յոյն կաթողիկէ պատրիարք Գրիգոր Գ Լահամ, Անկլիգան եկեղեցւոյ գահերէց տոքթոր Ռուան Ուիլիամ եւ Լիւտերական եկեղեցւոյ պետ Էտուար Լոհս։

Հատորը նաեւ կը ներփակէ Պօղոս առաքեալի 13 թուղթերը, Գործ Առաքելոց գիրքը ու հրեաներու ուղղուած թուղթը, ինչպէս նաեւ առաջին դարու բազմաթիւ գրութիւնները որ կը խօսին Պօղոս առաքեալի կեանքին, քարոզութեան ու նահատակութեան մասին ։