Նորին Սրբութիւնը աշխարհական
մը նշանակած է որպէս ենթաքարտուղար Արդարութիւն եւ Խաղաղութիւն Քահանայապետական խորհուրդին։
Հինգշաբթի
օրը, Սրբազան Քահանայապետը նշանակեց Տիկ. ֆլամինիա Ճիովանելլին, որպէս ենթաքարտուղար
Արդարութիւն եւ Խաղաղութիւն Քահանայապետական խորհուրդին։ Ասիկա առաջին անգամն է որ Սրբազան
Հայրը աշխարհական մը կ'անուանէ Վատիկանի վարչութեան մէջ։ Տիկին ֆլամինիա Ճիովանելլիի
անուանումով ,Նորին Սրբութիւնը կը յայտնէ կիներու նկատմամբ իր մեծ վստահութիւնը։
Տիկին
ֆլամինիա Ճիովանելլի ծնած է Հռոմ 1948ին, տնտեսութեան մասնագէտ է եւ հետեւած՝ Վատիկանի
առաքելական մատենադարանի դասընթացքներուն, 70-ական տարիներուն։ 1974 էն ի վեր կ՝աշխատի
Արդարութիւն եւ Խաղաղութիւն քահանայապետական խորհուրդին մէջ եւ մասնագիտացած է զարգացումի,
աղքատութեան ու աշխատանքի հարցերու մասին։
՜՜Հիւանդին համաշխարհային օրը՝՝
Պենետիկտոս ԺԶ Քահանայապետը պատարագ կը մատուցէ հիւնադներուն համար։
Յառաջիկայ
փետրուար 11-ին, հիւանդին համաշխարհային օրն է, Պենետիկտոս ԺԶ Քահանայապետը այս առթիւ
Ս. Պետրոս տաճարին մէջ կը գլխաւորէ Ս. պատարագը։
Այս օրը նաեւ 25րդ տարեդարձն
է հիւանդին հովուութեան քահանայապետական խորհուրդին հաստատման։ Այդ օրը նաեւ, Ս. Պետրոս
տաճարին մէջ, կը զետեղուի սրբուհի Պերնատէթի մասունքը։