Папа Бэнэдыкт 16 у рымскай Сінагозе: прапанова супольнага сведчання аб адзіным Богу
ды святасці чалавечага жыцця і сям"і.
Галоўнай падзеяй мінулае нядзелі быў візіт Папы ў Сінагозе Рыма і сустрэча
з габрэйскаю супольнасцю Вечнага Гораду. Візіт быў галоўным пунктам святкавання
Дня Юдаізма і адбыўся, як адзначыў сам Святы Айцец, амаль 24-ы гады пасля візіту Яна
Паўла ІІ. Візіт Папы Вайтылы неаднаразова прыводзіўся як беспрэцэдэнтны і як пазітыўная
падзеяе для абедзьвух супольнасцей. Гістарычнасць візіту Бэнэдыкта 16 ў Сінагогу
Рыма падкрэслівала таксама прысутнасць вядомых прадстаўнікоў яўрэйскага свету: ў гэтым
ізраільскага намесніка прэм”ер-міністра ды дэлегацыі Вялікага Рабінату Ізраіля. Прывітальную
прамову старшыня габрэйскае супольнасці Рыму Рыкардо Пачыфічы пачаў ад закліку да
салідарнасці з пацярпелымі ад землятрасення ў Гаіці. З выразным узрушэннем нагадаў
аб дапамозе, якую шматлікія каталіцкія інстытуты і законы бескарысліва сведчылі пераследаваным
Яўрэям у часе Другой сусветнай вайны. Аднак неадкладна крытычна аднёсся да маўчання
тагачаснага Папы Рымскага Пія ХІІ і паўторна зажадаў адрыцця ватыканскіх і нямецкіх
архіваў з гэтага перыяду. У сваю чаргу, старшыня яўрэйскіх супольнасцей ў Італіі
Рэнцо Гаттэня выказаў надзею, што візіт Папы дазволіць ўзаемным адносінам быць больш
братэрскімі. Затое галоўны Рабін Рыма Рыкардо ді Сэні гаварыў, сярод іншага,
аб адносінах паміж габрэямі і хрысьціянамі на прыкладзе біблійных братоў і сясцёр,
якіх гісторыя пераходзіць ад саперніцтва і злачынстваў да прабачэння і прымірэння. У
сваёй прамове ў Сінагозе Рыма , Бэнэдыкт 16 сказаў, што яго візіт з”яўляецца часткай
ў шляху добрых, сяброўскіх адносін паміж дзвюма рэлігійнымі супольнасцямі, намечаных
Папам Янам Паўлам ІІ. Ён таксама прыпомніў сабаровы пералом, які даў пачатак міжрэлігійнаму
дыялогу і ягоныя пазнейшыя плады, ў гэтым асуджэнне Касцёлам антысэмітызму і антыюдаізму.
У гэтым кантэксце Папа нагадаў аб трагічных падзеях ХХ стагоддзя, якіх кульмінацыяй
было вынішчэнне Яўрэяў падчас Другой сусветнай вайны. Святы Айцец нагадаў, што перад
гэтымі пакутамі многія католікі не засталіся абыякавымі. У дапамогу пераследаваным
Гэбрэям была заангажаваная таксама Апостальская Сталіца, часта ў спосаб скрыты і дыскрэтны. Бэнэдыкт
16 таксама адзначыў асаблівыя адносіны паміж хрысціянамі і супольнасцю юдаізму, што
выплываюць ад Слова Божага. Галоўным пунктам абедзьвух рэлігій ёсць Дэкалог ( дзесяць
Божых прыказанняў), будучы асноўным этычным кодэксам для ўсяго чалавецтва ды рошчынаю
дыялогу і супрацоўніцтва. “Дзесяць слоў” заклікае да павагі, павагі чалавечага
жыцця супраць несправядлівасці і злоўжыванняў, прызнаючы вартасць кожнай чалавечай
асобы, створанай на вобраз і падабенства Бога,- працягваў Святы Айцец. Колькі раз
у кожным кутку Зямлі , блізка і далёка, па-ранейшаму зневажаецца чалавечую годнасць,
свабоду і правы чалавека. Сведчыць аб найвышэйшай вартасці жыцця супраць ўсялякім
эгаізмам,- гэта значны ўклад ў карысць свету, ў якім пануе справядлівасць і мір. “Дзесяць
слоў” настойліва заклікае абараняць і падтрымліваць святасць сям”і, ў якой “так” жанчыны
і мужчыны, вернае і канчатковае, адкрывае на будучыню , на сапраўдную чалавечнасць
кожнага, і адначасна адкрываецца на дар новага жыцця.- працягваў Бэнэдыкт 16. Пасведчанне
таго, што сям”я па-ранейшаму з”яўляецца асноўнаю ячэйкаю грамадства і асноўным месцам,
у якім навучаецца аб чалавечых цнота, з”яўляецца каштоўным укладам ў будаванне свету
аб больш чалавечым абліччы. На каней Святы Айцец сказаў, што прыкладам добрай
волі з абодвух бакоў ёсць працы Камісіі па гэбрэйска-каталіцкім дыялогу, якія прысвечаныя
пытанню стварэння і асяроддзя.