Багародзічная малітва "Анёл Панскі" ў нядзелю 17-га студзеня
А паўдні гэтага дня Святы Айцец сустрэўся з вернікамі, якія прыбылі на Плошчу
Святога Пятра, каб супольна адгаварыць гэтую марыйную малітву. У сваім слове да вернікаў
Папа заявіў, што сёння днём ён наведае Рымскую Сінагогу, пасьля 24-х гадоў ад візіту
Папы Яна Паўла ІІ. Цяперашні ягоны візіт з”яўляецца яшчэ адным крокам на шляху да
прымірэння і прыязьні паміж католікамі і габрэямі. “Нягледзячы на
праблемы і цяжкасці, паміж вернікамі абедзьвух рэлігій адчуваецца клімат вялікае павагі
і дыялогу, што сведчыць аб сьпеласці ўзаемных адносін і супольным заангажаванні ў
карысць таго, што нас спалучае: значыць, перш за ўсё вера ў адзінага Бога, клопат
аб чалавечым жыцці і сям”і, а таксама імкненне да сацыяльнае справядлівасці і міру”. Бэнэдыкт
16 нагадаў таксама, што 18-га студзеня пачынаецца Тыдзень Малітваў за Адзінства Хрысціян.
Ён дае паслядоўнікам Хрыста магчымасць сустрэцца, лепш пазнаёміцца, але перад усім
дае нагоду для супольнае малітвы і разважанняў. Сёлета лозунг Экумэнічнага Тыдня
ўзяты з Евангельля ад Апостала Лукі: ”Вы ж сведкі гэтага”. “Нашае абвяшчанне
Евангельля Хрыста будзе настолькі больш надзейным і пасьпяховым, на колькі мы будзем
больш абьяднанымі ў Яго любові як сапраўдныя браты. Таму я настойліва заахвочваю
парафіі, законныя супольнасці, таварыствы і касцёльныя рухі, да пастаяннае малітвы,
асабліва ў час Эўхарыстыі, ў намеры поўнага адзінства хрысціян”