Më 17 janar do të përkujtohet 542- vjetori i vdekjes së Skënderbeut
(14.01.2009 RV)Veprimtari përkujtimore do të organizohen kudo jetojnë e punojnë
shqiptarë, posaçërisht në Sheshet e qyteteve kryesore të Shqipërisë, Kosovës e vendeve
perëndimore, ku ngrihen monumente për nder të Heroit Kombëtar të shqiptarëve, që mbrojti
Evropën mesjetare nga vërshimi i otomanëve, të cilët ëndërronin të vinin gjysmëhënën
mbi bazilikën e Shën Pjetrit e çallmën, mbi kokën e Papës. Që nga koha kur sulltanët
shikonin ëndrra të tilla, kanë kaluar më se 542 vjet. Edhe në Romë, në një Shesh
me emrin domethënës ‘Albania’ lartohet një shtatore e Skënderbeut. Pranë saj do të
zhvillohet veprimtaria kryesore përkujtimore në Kryeqytetin italian. Në ftesën e Ambasadës
së Shqipërisë pranë Republikës së Italisë, për këtë veprimtari, shkruhet: “Me
rastin e 542 vjetorit të Heroit legjendar, simbol i identitetit dhe krenarisë kombëtare,
“Mbrojtësit të paepur të qytetërimit Perëndimor” “Atletit të Krishtit” Gjergj
Kastrioti Skënderbeu, Ambasada e Shqipërisë në Romë ju fton, më 17 janar 2010, ora
11, në Piazza Albania, të vendosim një kurorë së bashku në nderim të Heroit evropian.
Ju falenderojmë për pjesëmarrjen".