Багародзічная малітва "Анёл Панскі" ў нядзелю 10-га студзеня
А паўдні, гэтага дня, Святы Айцец сустрэўся на Плошчы Святога Пятра з вернікамі
на гэтай марыйнай малітве. у сваёй прамове да іх Папа прыпомніў, што мэтай прыйсця
Хрыста на свет было зрабіць людзей Дзяцьмі Божымі дзякуючы адраджэнню ў сакраманце
Хросту. Быць Сынамі Бога гэта таксама прыклад грамадзкаму жыццю, бо ж мы маем быць
для сябе братамі. Братэрства немагчыма
ўстанавіць у сілу ідэалогіі, ці зацьвердзіць ўладаю дзяржавы. Стаць братам можна
толькі пачынаючы ад простай, але глыбокай, свядомасці, што мы дзеці адзінага Нябеснага
Айца. Як хрысціянам, дзякуючы Святому Духу атрыманаму ў часе Хросту, нам прыпадае
дар і заданне жыць як Божыя Дзеці і браты, быць рошчынаю новага чалавецтва,- салідарнага,
шчодрага ў мір і надзею. Дапамагае нам у гэтым свядомасць, што апрача Айца ў небе
маем таксама маці, Касцёл, якому Панна Марыя з”яўляецца адвечным прыкладам”,- сказаў
Папа.