Papa Kolegjit Papnor Amerikanoverior: Kisha të çojë mëshirën e pafund të Zotit tek të dobtit e të braktisurit

(09.01.2009 RV)Përvoja e jashtëzakonshme e universalitetit të Kishës, që u sjell mëshirën e Zotit të dobtëve dhe të braktisurve: këtë ofron Kolegji Papnor Amerikanoverior, eprorët e të cilit, studentët dhe ish-studentët u pritën nga Papa Benedikti XVI, me rastin e 150-vjetorit të themelimit. Në fjalën e tij, Ati i Shenjtë kujtoi udhëtimin në SHBA, në prill të vitit 2008 dhe lavdëroi impenjimin e Kolegjit, i cili vazhdon të formojë barinj të urtë e bujarë.
Qe Papa Piu IX, i cili në vitin 1859, themeloi këtë Kolegj, që vazhdon të zbatojë planin fillestar për të formuar predikatorë të mirë të Ungjillit e ministra të sakramenteve, besnikë ndaj Pasardhësit të Shën Pjetrit dhe të impenjuar në Kishën e SHBA-ve, theksoi Benedikti XVI.