Святы Айцец ахрысціць у Нядзелю Хросту Пана 14 дзяцей
10 студзеня 2010 г., у свята Хросту Пана, Святы Айцец Бэнэдыкт XVI ахрысціць чатырнаццаць
нованароджаных дзяцей. Пантыфік ужо ў чацвёрты раз узначаліць гэтую цырымонію. Нованароджаныя,
якія ў гэты дзень прымуць сакрамэнт хросту, з’яўляюцца дзецьмі служачых Апостальскай
Сталіцы. Падчас цырымоніі іх будуць суправаджаць бацькі, хросныя і група сваякоў. Асаблівую
ролю будуць адыгрываць браты і сёстры нованароджаных. Некаторыя з іх прымуць удзел
у працэсіі з дарамі. Удзяленне сакрамэнту хросту стане, такім чынам, сапраўдным святам
жыцця і сям’і. Таксама, падобна як і ў мінулым годзе, Святы Айцец будзе цэлебраваць
Эўхарыстыю каля старажытнага алтара капліцы і падчас святой Імшы ў некаторыя моманты
будзе разам з вернікамі паварочвацца тварам да Укрыжаванага Хрыста.