Багародзічная малітва "Анёл Панскі" ў пятніцу 1-га студзеня
Мір ва ўсім свеце быў тэмаю прамовы Папы перад адгаварэннем гэтае марыйнае малітвы
ў першы дзень Новага Году. Бэнэдыкт 16, складаючы навагодныя пажаданні, выказаў
надзею, што з Божай дапамогай мы палепшым наш супольны дом, якім з”яўляецца свет.
Вяртаючыся да Сусветнага Дня Міру, прыпомніў, што неабходнай ўмоваю ўтрымання яго
ёсьць справядлівае і мудрае кіраванне рэсурсамі зямлі. Святы Айцец моцна заклікаў
да адмовы ад гвалту і да павагі годнасці чалавечага жыцця У першы дзень
года я хацеў-бы звярнуцца да сумлення тых, хто належыць да рознага тыпу ўзброенных
груповак. Усім і кожнаму кажу:спыніцеся, задумайцеся і пакіньце дарогу гвалту.
Нават калі ў першай хвіліне такі крок здаецца вам немагчымым, мейце адвагу зрабіць
яго. Тады Бог вам дапаможа, да сэрцаў вернецца радасць і мір, аб якіх вы даўно забыліся.
Даручаю гэты заклік застуцпніцтву Святой Марыі, Маці Бога. Сённяшняя Літургія
нагадвае нам, што на восьмы дзёнь пасля нараджэння Дзіцяці загадалі Яго абрэзаць,
згодна з законам Майсея, і надалі Яму імя Езус,- як Яго назвалі анёлы. Імя “Бог збаўляе”
і ёсць выкананнем Божага аб”яўлення. Езус ёсць асобай Бога, блаславенствам кожнага
чалавека і ўсіх народаў, ёсць мірам для ўсяго свету. Мы дзякуем Табе, Святая Маці,
што дала свету Збавіцеля, Князя Міру”,- сказаў Бэнэдыкт 16.