У наступным годзе чакаюцца падарожжы Бэнэдыкта 16 па Італіі
У 2010 г. адбудуцца візіты Святога Айца Бэнэдыкта XVI у розныя дыяцэзіі Італіі. 2
мая Пантыфік прыбудзе ў Турын. Візіт Папы супадзе з выстаўленнем у базыліцы гэтага
горада Турынскай Плашчаніцы — адной з найбольш каштоўных хрысціянскіх рэліквій. Турынскі
візіт распачнецца малітвай Святога Айца перад знакамітай рэліквіяй. Затым Бэнэдыкт
XVI будзе цэлебраваць святую Імшу ў касцёле св. Яна, пасля чаго сустрэнецца з групай
моладзі. 4 ліпеня 2010 г. плануецца візіт Святога Айца ў рэгіён Абруцыі з нагоды
800-годдзя з дня нараджэння папы св. Цэлестына V, дзякуючы якому быў створаны кляштарны
касцёл цэлестынцаў у гэтым месцы. 5 верасня Папа наведае рэгіён Лацыя. Там Пантыфік
аддасць пашану папу Леону ХІІІ з нагоды 200-гадовага юбілею яго нараджэння. 3
кастрычніка Бэнэдыкт XVI прыбудзе на Сіцылію, у сталіцы якой, Палерма, прыме ўдзел
у сустрэчы італьянскіх сем’яў і моладзі.