29. 12. 09. з блаславення біскупа Віцебскага ў межах фестываля “Дні хрысціянскай
культуры” у ВДУ ім. П. М. Машэрава прайшоў конкурс нацыянальнай батлейкі.Свята адкрыў
кс. пралат Міраслаў Скачыляс. Каля 200 юных удзельнікаў прадстаўлялі калядныя спектаклі
святарам, сёстрам законным, вернікам з парафій дыяцэзіі, навукоўцам і настаўнікам.Дзіцячыя
калектывы з 4 парафій Віцебска, з Міёр, Глубокага, Пастаў, Дунілавічаў, Лучая прапанавалі
гледачам цікавыя спектаклі на тэму Божага нараджэння. Усе ўдзельнікі атрымалі дыпломы,
лепшыя калектывы – прызы ад “Карытас”. Духоўны апякун праэкта кс. Тадэвуш Дабравольскі
і дырэктар “Карытас” Віталь Кульпекша разам з прарэктарам ВДУ Ірынай Бондал паклапаціліся,
каб вялікая сцэна ВДУ была гасціннай і прыносіла натхненне выканаўцам, а гледачы падбадзёрвалі
малых артыстаў апладысментамі. |