Në Kosovë hetimet dhe rinumërimi i votave për komunën e Gjilanit do të fillojë më
6 janar dhe do të jetë i hapur për vëzhguesit e partive politike, por edhe për mediat.
Ndërkaq, ekspertët thonë se KQZ ja duhet të bëhet gati për shpalljen eventuale të
rivotimit edhe për Gjilanin. Sekretariati i Komisionit Qendror të Zgjedhjeve ka bërë
gati planin operativ, që është hartuar në bashkëpunim me përfaqësuesit e Fondacionit
Ndërkombëtar për Sisteme Elektorale (IFES) dhe të atyre të USAID it. Kryeshefi i Sekretariatit
të KQZ së, Xhemajl Peçani, tha se gjatë procesit të numërimit do të jetë i pranishëm
një numër i madh i vëzhguesve ndërkombëtarë për shkak të ndjeshmërisë së procesit.
Edhe përfaqësuesit e IFES it shprehën bindjen se rinumërimi i votave për komunën e
Gjilanit nuk do të marrë më shumë kohë se dy ditë. Ndërkohë, në mbledhjen e fundit,
KQZ ja po ashtu certifikoi rezultatet përfundimtare të raundit të dytë të zgjedhjeve
lokale për 18 komuna.