நிலக்கண்ணி வெடிகளைப் புதைப்பதில் விடுதலைப் புலிகள் எத்தகைய முறையைப் பின்பற்றியுள்ளனர்
என்பதைக் கணிப்பது மிகவும் சிரமமாக உள்ளதாகச் சொல்லப்படுகிறது
டிச.29,2009 இலங்கையில், நிலக்கண்ணி வெடிகளைhd புதைப்பதில் விடுதலைப் புலிகள் எத்தகைய முறையைப் பின்பற்றியுள்ளனர் என்பதைக் கணிப்பது மிகவும் சிரமமாக உள்ளதால், திட்டமிட்டபடி ஜனவரி 5-ம் தேதிக்குள் இடம்பெயர்ந்த தமிழர்களை அவர்கள் வசித்த பகுதியில் குடியமர்த்துவது தாமதமாகும் எனத் தெரிவதாகக் கூறப்படுகிறது.
பொதுவாக கண்ணி வெடிகள் 10 செ.மீ. ஆழத்தில் புதைக்கப்படுவது வழக்கம். ஆனால் விடுதலைப் புலிகள் 13 செ.மீ. ஆழத்தில் கண்ணி வெடிகளைப் புதைத்துள்ளனர். ஒரு சதுர அடி பரப்பளவில் கண்ணி வெடி இல்லை என்பதைக் கண்டறிய ஆகும் செலவு 3 டாலராகும்.
சுவிட்சர்லாந்து அறக்கட்டளையைச் சேர்ந்த குழுவினர் கடந்த 7 ஆண்டுகளாக நிலக்கண்ணி வெடிகளை அகற்றும் பணியில் ஈடுபட்டுள்ளனர்.
கடந்த மாதம் வரை 1,000 நிலக்கண்ணி வெடிகள் கண்டுபிடிக்கப்பட்டு அகற்றப்பட்டுள்ளன. கடந்த சில ஆண்டுகளாக வட இலங்கைப் பகுதியில் மட்டும் 15 லட்சம் நிலக்கண்ணி வெடிகள் பதிக்கப்பட்டிருக்கலாம் என மதிப்பிடப்படுகிறது. 2002-ம் ஆண்டிலிருந்து கண்ணி வெடிகளை அகற்றும் பணி நடைபெறுகிறது. இதுவரை 2 லட்சம் சதுர கிலோமீட்டர் பரப்பளவில் கண்ணிவெடிகள் அகற்றப்பட்டுள்ளது. இதில் பீரங்கிகளைத் தகர்க்கும் கண்ணி வெடிகளும் அடங்கும். தற்போது நிலக்கண்ணி வெடிகளை அகற்றும் பணியில் 6 குழுக்கள் ஈடுபட்டுள்ளன.
| All the contents on this site are copyrighted ©. |