Rusia e Ukraina zgjidhin mospajtimet për gazin e BE mirëpret paktin Moskë Kiev
Ukraina dhe Rusia e kanë zgjidhur dje në mbrëmje mosmarrëveshjen e tyre për tarifat
e transportit të gazit, duke siguruar se nuk do të ketë shkatërrim në furnizimin për
Evropën Lindore gjatë festës së Vitit të Ri. Pra “dje në mbrëmje është nënshkruan
një marrëveshje e mëtejshme”, ka deklaruar Valentyn Zemlyansky, zëdhënës i Naftogaz.
Sipas njoftimeve dhënë nga firma e Ukrainës. Moska do të paguajë 30% më tepër Kievit
për tarifat e transitit të naftës ruse drejt Evropës. “Kemi një marrëveshje për një
rritje prej 30% - ka shpjeguar zëdhënësi. Nuk do të ketë kurrfarë krize”.
Rusia pati tërhequr vërejtjen për ndaljen e mundshme të transportit për në Sllovaki,
Çeki dhe Hungari, duke thënë se kompania shtetërore energjetike ukrainase, Naftogaz,
po kërkonte tarifa më të larta tranzitore, për shkak të inflacionit dhe çmimit të
mirëmbajtjes. E Bashkimi Evropian e ka mirëpritur arritjen e marrëveshjes
mes Rusisë dhe Ukrainës lidhur me kundërthëniet rreth transportit të gazit. Komisioni
Evropian tha se është informuar nga qeveria ruse se nuk ekziston më rreziku për ndërprerjen
e furnizimit të vendeve të BE së me gazin rus, që kalon përmes Ukrainës. Deklarata
erdhi pas nënshkrimit mes Moskës dhe Kievit të marrëveshjes për tarifat e reja të
transportit.