29 dhjetor dita e katërt e Tetëditëshit të Krishtlindjes
29 dhjetor: Dita e katërt e Tetëditëshit të Krishtlindjes, lutjes e ditës:
FTESA D
O Zot, hapi buzët e mia. C Dhe goja ime do të kumtojë lavdet e tua. V. Lavdi
Atit e Birit e Shpirtit Shenjt, P. si ka qenë në fillim, ashtu tash e përgjithmonë
e jetës. Amen.
Ant. Ejani ta adhurojmë Zotin, që lindi për ne. Ose:
Ant.
Krishti lindi për ne: ejani ta adhurojmë. Ejani t'i këndojmë Zotit, * t'i brohorasim
Hyjit, Shëlbuesit tonë. T'i dalim para me falënderje, * t'i këndojmë këngë hareje!
(Ant.) Sepse Hyj i madhërishëm është Zoti, * Mbret i madhërueshëm mbi të gjithë
zotat! Sepse në dorën e tij janë thellësitë e tokës, * të tijat janë edhe majat
e maleve, i tiji është deti - ai e krijoi, * duart e tija e formuan tokën. (Ant.) Ejani
ta adhurojmë, të biem përmbys para tij, * të biem në gjunjë para Zotit që na krijoi! Sepse
ai është Hyji ynë, ne jemi populli i kullosës së tij, * grigja që ai ruan. (Ant.) Oh
sikur ta ndienit sot zërin e tij: * “Mos e bëni zemrën tuaj gur porsi në Meribë, porsi
në ditë të Masës në shkretëtirë, † kur etërit tuaj më vunë në sprovë: * më provuan
megjithëse i kishin parë veprat e mia. (Ant.) Dyzet vjet më mërziti ajo brezni
† e thashë: 'Popull zemërluhatshëm është ky, * që s'i njeh udhët e mia.' Prandaj
u përbetova në hidhërimin tim: * 'Askurrë s'do të hyjnë në prehjen time!'” (Ant.) Lavdi
Atit e Birit * e Shpirtit Shenjt, si ka qenë në fillim, * ashtu tash e përgjithmonë
e jetës. Amen. (Ant.)
SHËRBESA E LEXIMEVE V. Hyj, më eja në ndihmë! P.
O Zot, shpejto të më ndihmosh! V. Lavdi Atit e Birit e Shpirtit Shenjt, P. si
ka qenë në fillim, ashtu tash e përgjithmonë e jetës. Amen.
Kjo hyrje nuk
përdoret kur Shërbesa e lutjes fillon me Ftesë.
Himni Shkëlqim jetëdhënës
i Hyjnisë së amshueshme o Krisht, ti vjen ndër ne ndriçim e jetë, ti njerëzve
u sjell ndër sëmundje mjet shërimi, o derë shpëtimi. Jehonë mbi tokë vallet
e engjëllorëve me këngë qiellore, shekuj të rinj ligjërojnë, lavdi për Atin,
dhe për mbarë njerëzimin gëzime paqe. Ndonëse vogëlush, ti sundon rruzullimin, fryt
i Virgjërës Shenjte pa farë njolle, o Krisht, tashmë sunduesi i mbarë botës gjithmonë
i dashur. Ti u linde qiejt për atdhe t’na japësh, ti një nga ne, me mishin tonë
u bëre; mendjet përtriji e zemrat lidhi me prangat e dashurisë. Çetat krenare
këndojnë ja një i yni, shoqëruar nga Engjëjt me gojë të gëzueshme Atit me Ty
e dashurisë së barabartë, këngët e lavdit. Amen.
Ose një himn tjetër apo
një këngë e përshtatshme e miratuar nga autoritetet kishtare. Ant. 1 Zoti, Hyji
i ushtrive është me ne, strehimi ynë është Hyji i Jakobit.
Psalmi 46 /45/
(2-12) Hyji është për ne strehim dhe fuqi, * ndihmë gjithherë e gatshme në çdo
vështirësi. Prandaj as s’do të tutemi edhe nëse lëkundet toka * dhe nëse malet
do të kapërdihen nga deti! Le të gjëmojnë e le të përzihen ujërat e tija, * le
të dridhen malet në furinë e tij! Rrëketë e lumit do ta gëzojnë qytetin e Hyjit,
* tendat e shenjta të të Lartit Zot. Hyji është brenda nuk do të trandet askurrë,
* Hyji i ndihmon herët në agim. Ulëritën popujt, ranë mbretëritë, * bubulloi
Zoti, toka u shkri! Zoti i Ushtrive është me ne, * strehimi ynë, Hyji i Jakobit! Ejani
e shikoni veprat e Zotit * - mrekullitë që i bëri ai përmbi dhé! Ndalon luftërat
deri në skajet e tokës, † do t’i thyejë harqet, do t’i copëtojë armët, * mburojat
në zjarr do t’i djegë. N daluni e shihni se unë jam Hyji, * i madhërueshëm
mbi popuj, i madhërueshëm mbi tokë! Me ne është Zoti, Hyji i Ushtrive, * strehimi
ynë, Hyji i Jakobit. Lavdi Atit e Birit * e Shpirtit Shenjt, si ka qenë në
fillim, * ashtu tash e përgjithmonë e jetës. Amen
Ant. 1 Zoti, Hyji i ushtrive
është me ne, strehimi ynë është Hyji i Jakobit. Ant. 2 Në ditët e tija do të
lulëzojë një paqe e madhe; ai do të jetë Zoti i të gjithëve.
Psalmi 72 /71/
I (1-11) O Hyj, jepja mbretit gjyqin tënd * dhe drejtësinë tënde birit të mbretit, që
ta gjykojë popullin tënd me drejtësi * e skamnorëve të tu t’u japë të drejtën. Malet
le t’i sjellin paqen popullit * e kodrat drejtësinë. Ai do t’i gjykojë të vobektit
e popullit, † do t’i shpëtojë bijtë e skamnorit * do ta përulë shpifësin. Ai
do të jetojë sa dielli e hëna, * nga breznia në brezni. Do të zbresë porsi vesa
mbi bar, * porsi shiu që e lag tokën. N ë ditët e tija do të lulëzojë drejtësia
* dhe paqe e madhe derisa të jetë Hëna. Do të sundojë prej detit në det, * prej
Lumit e deri në skajin e botës. Para tij do të bien përmbys banorët e shkretëtirës,
* kundërshtarët e tij do të lëpijnë dheun. Mbretërit e Tarsisit edhe të ishujve dhurata
do të sjellin, * mbretërit e arabëve e të Sabës do të lajnë të dhjetat, të gjithë
mbretërit para tij përmbys do të bien * e popujt mbarë do t’i shërbejnë. Lavdi
Atit e Birit * e Shpirtit Shenjt, si ka qenë në fillim, * ashtu tash e përgjithmonë
e jetës. Amen
Ant. 2 Në ditët e tija do të lulëzojë një paqe e madhe; ai
do të jetë Zoti i të gjithëve. Ant. 3 Zoti e shpëton jetën e të varfërve të tij.
II
(12-19) Ai do ta shpëtojë skamnorin që fshan, * të varfrin që nuk ka ndihmëtar.
– Mëshirë do të ketë për të mjerin e të vobektin, * dhe skamnorëve do t’ua shpëtojë
jetën. Do t’i shpëtojë prej padrejtësisë e dhunës, * gjaku i tyre do të jetë
i çmueshëm përpara tij. Do të jetojë e do t’i jepet prej arit të Arabisë, † gjithmonë
do të luten për të, * gjithë ditën do ta bekojnë. Toka do të japë drithëra me
shumicë, * në maja të maleve do të valëviten kallëzat, porsi Libani frytet e
tokës, * do të lulëzojnë porsi bari i tokës banorët e qytetit. Qoftë bekuar
emri i tij në shekuj, * sa të jetë Dielli mos iu harroftë emri! Nëpër të do
të bekohen të gjitha fiset e dheut, * të gjithë paganët të lumtur do ta quajnë. Qoftë
bekuar Zoti Hyj, Hyji i Izraelit, * që i vetmi bën mrekulli! Qoftë bekuar Emri
i tij i madhërueshëm, † toka mbarë u mbushtë me lavdinë e tij. * Amen! Amen! Lavdi
Atit e Birit * e Shpirtit Shenjt, si ka qenë në fillim, * ashtu tash e përgjithmonë
e jetës. Amen
Ant. 3 Zoti e shpëton jetën e të varfërve të tij. D Barinjtë
e panë foshnjën C e njohën atë për të cilin u kishte folur engjëlli i Zotit.
Leximi
i parë Prej letrës së shën Palit apostull drejtuar Kolosianëve 1,
1-14 Veprimi i hirit dhe lutja Pali, për vullnet të Hyjit apostulli i Krishtit
Jezus, edhe vëllai Timote: shenjtërve që janë në Kolos, vëllezërve besimtarë në
Krishtin: Hyji, Ati ynë, ju dhëntë hir e paqe! E falënderojmë Hyjin, Atin e
Zotit tonë Jezu Krishtit dhe lutemi vazhdimisht për ju, sepse morëm vesh për fenë
tuaj në Jezu Krishtin dhe për dashurinë që keni ndaj të gjithë shenjtërve, për
arsye të shpresës që ruhet për ju në qiell. Për të keni dëgjuar në saje të fjalës
së vërtetës - Ungjillit, që arriti te ju dhe po jep fryte e po zhvillohet, si në mbarë
botën, ashtu edhe ndër ju, qysh prej ditës kur dëgjuat dhe e njohët hirin e Hyjit
me anë të së vërtetës, ashtu si e keni mësuar prej Epafrit të dashur, shokut tonë
në shërbesë. Ai na zëvendëson ndër ju si mbarështues besnik i Krishtit. Ai edhe na
njoftoi për dashurinë tuaj në Shpirtin Shenjt. Prandaj edhe ne, qysh atë ditë,
kur morëm vesh për këtë gjë, nuk pushojmë të lutemi për ju dhe të kërkojmë prej Hyjit të
fitoni me çdo urti e kuptim shpirtëror njohurinë e plotë të vullnetit të tij, që të
jetoni në mënyrë të denjë për Zotin dhe t'i pëlqeni Atij plotësisht, duke dhënë
fryte veprash të mira dhe duke përparuar në njohurinë e Hyjit, që të forcuar me çdo fuqi
që i përgjigjet pushtetit të Hyjnisë së tij, të jeni të fortë e të durueshëm në çdo
provë, që me gëzim ta falënderoni Atin, i cili ju bëri të aftë të keni pjesë në
trashëgimin e shenjtërve në dritë. Ai na nxori nga pushteti i errësirës dhe na
kaloi në Mbretërinë e Birit të vet të dashur, në të cilin kemi shpërblimin - faljen
e mëkateve.
Përgjigjja Krh. Kol 1, 12. 13; Jak 1, 17 C Me gëzim ta falënderojmë
Atin: Ai na nxori nga pushteti i errësirës, * na kaloi në Mbretërinë e Birit të vet
të dashur. D Çdo dhuratë e mirë dhe çdo dhunti e përsosur është prej së larti,
zbret nga Ati i dritës: C na kaloi në Mbretërinë e Birit të vet të dashur.
Leximi
i dytë NGA “LIGJËRATAT” E SHËN BERNARDIT, ABAT (Sermo 1 in Epiphania
Domini, 1-2: PL 133, 141-143) NË PLOTËSINË E KOHËVE ERDHI EDHE PLOTËSIA
E HYJNISË. U shfaqën mirësia dhe njerëzia e Hyjit, Shëlbuesit tonë (krh. Tit
2, 11). E falënderojmë Hyjin, i cili në mjerimin dhe shtegtimin tonë si mërgimtarë
na bën të shijojmë një ngushëllim kaq të madh. Para se të shfaqej njerëzimi mirësia
e Hyjit ishte e fshehur: e pra ajo ekzistonte edhe më parë, sepse mëshira e Hyjit
është që prej amshimit. Por si mund të dihej se është kaq e madhe? Ishte e premtuar,
por nuk bëhej e dëgjueshme, dhe prandaj nuk ishte e besuar prej shumëkujt. Herë pas here
dhe në mënyrë të ndryshme Zoti ka folur me anë të profetëve (krh. Heb 1, 1). Unë –
thoshte – me ju kam synime paqeje e jo mjerimi (krh. Jer 29, 11). E çka i përgjigjej
njeriu, që ndente mjerimin e nuk e njihte paqen? Deri kur do të thoni: Paqe, paqe,
dhe paqe nuk ka? Për këtë arsye lajmëtarët e paqes thekshëm qajnë (krh. Is 33, 7)
duke thënë: O Zot, e kush besoi në lajmin tonë? (krh. Is 53, 1). Por tani së
paku njerëzit besojnë pasi që panë, sepse dëshmia e Hyjit u bë plotësisht e besueshme
(krh. Ps 93 /92/, 5). Që të mos i mbetej e fshehur as syrit të turbullt, në diell
Ai e ngrehu Tendën e vet (krh. Ps 19 /18/, 6). Ja pra paqja: jo e premtuar, por
e dërguar; jo e shtyrë për më vonë, por e dhuruar; jo e profetizuar, por e pranishme. Hyji
Atë e ka dërguar mbi tokë një thes, të themi kështu, plot me mëshirën e tij; një thes
që u bë copë e grimë gjatë mundimit në mënyrë që të dilte jashtë çmimi i shpërblimit
tonë që ishte i mbyllur brenda; një thes vërtet i vogël, por i mbushur plot e përplot,
nëse na është dhënë një Vogëlush (krh. Is 9, 5) në të cilin “banon trupërisht e tërë
plotësia hyjnore” (Kol 2, 9). Kur erdhi plotësia e kohës, erdhi edhe plotësia e
hyjnisë. Hyji erdhi në trup që t’u zbulohej edhe njerëzve që janë prej mishit,
dhe që të njihej mirësia e tij duke na u shfaqur në njerëzinë. Pasi që Hyji u shfaq
në njeri, nuk mund t’i fshihet më mirësia. Ç’provë tjetër të mirësisë së tij mund
të jepte, përpos të merrte mishin tim? Pikërisht mishin tim, e jo mishin që Adami
e kishte para mëkatit. Asgjë tjetër nuk mund ta shfaqë më mirë mëshirën e tij se
sa të merrte ai vetë mjerimin tonë. O Zot, e çka është njeriu që të të bjerë ndër
mend e të kujdesesh për të? (krh. Ps 8, 5; Heb 2, 6). Prej kësaj gjëje le ta dijë
njeriu se sa kujdeset Hyji për të, dhe le ta dijë se çka mendon dhe ndien në lidhje
me të. Mos pyet, o njeri, se çfarë vuan ti, por pyet më mirë se çfarë ka vuajtur
ai. Duke parë deri ku ai arriti për ty, kuptoje se sa i vlefshëm je për të, dhe do
të kuptosh mirësinë e tij nëpërmjet njerëzisë së tij. Sikurse u bë i vogël me mishërim,
kështu u tregua i madh në mirësi; dhe sa më shumë që u përul për mua aq më i dashur
më është. U shfaqën – thotë Apostulli – mirësia dhe njerëzia e Hyjit, Shëlbuesit tonë
(krh. Tit 3, 4). Vërtet, e madhe është mirësia e Hyjit, Ai e dha një provë të madhe
mirësie duke bashkuar hyjninë me njerëzinë.
Përgjigjja Krh. Ef 1, 5; Rom 8,
29 C Hyji na parashënoi për vete të jemi bij në shpirt në saje të Jezu Krishtit
me pëlqimin e vullnetit të vet * për nder të lavdisë së hirit të tij. D Ai na
paracaktoi të jemi të ngjashëm me Birin e tij; C për nder të lavdisë së hirit të
tij.
Himni: Te Deum Ty, o Hyj, të lavdërojmë, * ty, o Zot,
të dëshmojmë. Ty, Atin e amshueshëm * bota mbarë të adhuron. Ty të gjithë engjëjt,
* ty qielli e fuqitë të gjitha, ty kerubinët e serafinët, * pa ndërprerë po të
këndojnë: Shenjt, Shenjt, Shenjt, * Zoti, Hyji Sabaot! Plot qielli e toka janë,
* me madhërinë të lumturisë sate. Ty i apostujve * kori i lavdishëm, ty i profetëve,
* numri i nderueshëm, ty e martirëve * të lëvdon ushtria. E për rrethin e tokës,
* të dëshmon Shenjta Nënë Kishë: ty, o Atë, * i madhërisë së pamasë, dhe të
nderueshmin e të vërtetin, * të vetmin tëndin Bir, edhe Shenjtin, * Ngushëllues
Shpirt. Ti, o Krisht, * Mbreti i lavdisë. Ti që je i Atit, * Bir i amshueshëm. Ti
që, për të marrë mbi vete çlirimin e njeriut, * nuk e pate n’iri kraharorin e Virgjërës. Ti
që, pasi e theve thimthin e vdekjes, * ua çile besimtarëve Mbretërinë e qiellit. Ti
që rri në të djathtën e Zotit, * në lavdinë e Atit. Besojmë se do të vish * porsi
Gjykatës Ty, pra, po të lutemi që t’u ndihmosh shërbëtorëve të tu, * të cilët
i shpërbleve me gjakun tënd të paçmueshëm. Bëj që në lumturinë e amshueshme, * të
numërohemi ndër shenjtër të tu. Shpëtoje popullin tënd, o Zot, * e bekoje
trashëgimin tënd! Ti ata sundoji * e lartësoji deri në amshim. Për gjithë ditë
të lume, * ne ty të bekojmë. Dhe emrin tënd e lavdërojmë për jetë, * e jetë të
jetës. Denjohu, o Zot, në këtë ditë * të na ruajsh pa mëkat. Ki dhimbë për ne,
o Zot, * ki dhimbë për ne! Dhembshuria jote qoftë mbi ne, o Zot, * sikurse po
shpresojmë në ty. Në ty, o Hyj, shpresova, * e kurrë nuk do të turpërohem.
Lutja O
Hyj i gjithëpushtetshëm dhe i padukshëm, ti që, me ardhjen e Krishtit - Dritës së
vërtetë, i dëbove errësirat e botës, na shiko me dashuri, që të mund ta kremtojmë
si duhet Lindjen e mrekullueshme të Njëlindurit Birit tënd. I cili me ty jeton.
LAVDET
E MËNGJESIT
V. Hyj, më eja në ndihmë! P. O Zot, shpejto të më ndihmosh! V.
Lavdi Atit e Birit e Shpirtit Shenjt, P. si ka qenë në fillim, ashtu tash e
përgjithmonë e jetës. Amen.
Kjo hyrje nuk përdoret kur Shërbesa e lutjes fillon
me Ftesë. Himni Nga boshti i lindjes së diellit gjer në kufi të tokës t’i
këndojmë Krishtit, Princit lindur nga Maria Virgjër. Krijuesi i lumë i rruzullit u
vesh me një trup skllevrish, me mish të lirojë mishin, të mos humbë çka krijoi. Në
amë të mbyllur t’prindit futet hiri qiellor, dhe barku i vashës mbarti fshehtësitë
që njohur s’kishte. Shtëpia e parzmës s’pastër bëhet faltorja e Hyjit, pa
njohur burrë pa u prekur, me fjalë u ngjiz me Birin. Shumë u kujdes lehona për
atë që i tha Gabrieli, për t’cilin galdoi Gjoni në bark të nënës s’vet. Në
kashtë duroi të flinte, nuk e përbuzi grazhdin, i ushqyer me pak qumësht si
zogu s’pati uri. Galdon kori i qiellorëve engjëjt i këndojnë Hyjit, haptas
barinjve u shfaqet, bariu, krijuesi i gjithësisë. Jezus, të qoftë lavdia, që
u linde nga Nënë Virgjër, me Atin dhe me Shpirtin jetëdhënës, në amshim. Amen.
Ose
një himn tjetër, apo një këngë e miratuar nga autoritetet kishtare. Ant. 1 Barinj,
kë keni parë? Kush u shfaq në tokë? Kemi parë një fëmijë dhe engjëjt që e lavdëronin
Zotin, aleluja.
Psalmi 63 /62/ (2-9) Shpirti i etshëm për Hyjin Kisha ka
etje për Shëlbuesin e vet, me dëshirë që të shuajë etjen në burimin e ujit të gjallë
që rrjedh për jetën e pasosur (Krh. Cassiodoro).
O Hyj, Hyji im je ti, qysh
në agim të kërkoj. * Ka etje për ty shpirti im, ty të dëshiron mishi im, * si
toka e shkretë, e thatë, e paujë, kështu erdha në Shenjtëroren tënde * për ta
parë fuqinë tënde e lavdinë tënde. Sepse më e mirë është dashuria jote se jeta:
* buzët e mia do të të lavdërojnë. Kështu do të të bekoj në jetën time * e
në Emrin tënd do t’i lartësoj duart e mia, do të ngihem si në gosti të shkëlqyeshme,
* me buzë të hareshme do të të lavdërojë goja ime. Ty do të të kujtoj edhe në
shtratin tim, * në përgim natën do të mendoj për ty, sepse ti je bërë ndihma
ime, * prandaj do të brohoras nën hijen e krahëve të tu! Shpirti im u mbështet
në ty, * e djathta jote më merr për dore. Lavdi Atit e Birit * e Shpirtit
Shenjt, si ka qenë në fillim, * ashtu tash e përgjithmonë e jetës. Amen
Ant.
1 Barinj, kë keni parë? Kush u shfaq në tokë? Kemi parë një fëmijë dhe engjëjt
që e lavdëronin Zotin, aleluja. Ant. 2 Engjëlli u tha barinjve: Po ju kumtoj
një gëzim të madh: Sot lindi për ju Shëlbuesi i botës, aleluja.
Kënga Dan
3, 57-88. 56
Çdo krijesë le ta lavdërojë Zotin Lavdëroni Hyjin tonë, të
gjithë shërbëtorët e tij! (Zb 19, 5). Bekojeni, të gjitha veprat e Zotit, Zotin,
* lëvdojeni dhe madhërojeni në shekuj! Bekojeni, engjëjt e Zotit, Zotin, * bekojeni,
o qiej, Zotin. Ujëra që jeni përmbi qiell, bekojeni Zotin, * të gjitha ju, o
fuqi, bekojeni Zotin. Diell e hënë, bekojeni Zotin, * yjet e qiellit, bekojeni
Zotin. Të gjitha shirat e vesa, bekojeni Zotin, * të gjitha ju, o erëra, bekojeni
Zotin. Zjarr e nxehtësi, bekojeni Zotin, * acar e vapë, bekojeni Zotin. Vesë
e brymë, bekojeni Zotin, * akull e cegëm, bekojeni Zotin. Breshra e borëra,
bekojeni Zotin, * netë e ditë, bekojeni Zotin. Dritë e errësirë, bekojeni Zotin,
* vetëtima e re, bekojeni Zotin. Toka e bekoftë Zotin, * lëvdojeni e madhërojeni
në shekuj! Bekojeni, o male e kodra, Zotin, * bekojeni Zotin, të gjitha bimësitë
e tokës. Dete e lumenj, bekojeni Zotin, * bekojeni, burime, Zotin . Përbindësh
e gjithçka lëviz në ujëra, bekojeni Zotin, * të gjithë shpendët e qiellit, bekojeni
Zotin. Kafshë të egra e shtëpiake, bekojeni Zotin, * bijtë e njeriut, bekojeni
Zotin. Bekoje, o Izrael, Zotin, * lëvdojeni e madhërojeni në shekuj! Priftërinjtë
e Zotit, bekojeni Zotin, * shërbëtorët e Zotit, bekojeni Zotin. Shpirtra e frymë
të të drejtëve, bekojeni Zotin, * shenjtër e të përvujtë në zemër, bekojeni Zotin. Anani,
Azari, Misael, bekojeni Zotin, * lëvdojeni e madhërojeni në shekuj! Të bekojmë
Atin e Birin e Shpirtin Shenjt; * ta lëvdojmë e ta madhërojmë në shekuj I bekuar
je ti, o Zot, në kupën qiellore, * i lavdishëm e i madhërueshëm në shekuj!
Në
fund të kësaj kënge nuk thuhet Lavdí Atit. Ant. 2 Engjëlli u tha barinjve: Po
ju kumtoj një gëzim të madh: Sot lindi për ju Shëlbuesi i botës, aleluja. Ant.
3 Sot për ne lindi një fëmijë: Hyji, i fortë, është emri i tij, aleluja.
Psalmi
149 (1-9) Festa e miqve të Zotit Bijtë e Kishës, bijtë e popullit të ri le të galdojnë
në mbretin e tyre që është Krishti (Esichio). Këndoni Zotit një këngë të re, * këndoni
lavdi në mbledhjen e shenjtërve! Le t’i gëzohet Izraeli Krijuesit të vet, * bijtë
e Sionit t’i brohorasin Mbretit të vet! Le ta lavdërojnë Emrin e tij në valle,
* le t’i bien në nder të tij tupanit e citarës, sepse Zoti kënaqet në popullin
e vet, * të përvujtët i nderon me shëlbim. Le të galdojnë të drejtët në lumturi,
* le të brohorasin nga shtrojat e veta! E paçin lavdinë e Zotit në gojë, * e
shpatën dytehëshe në dorë! Për të marrë shpagim mbi paganë, * për t’u dhënë
popujve ndëshkim, për t’i lidhur mbretërit e tyre në pranga, * princat e tyre
në zinxhirë të hekurt, për ta zbatuar mbi ta dënimin kaherë të shkruar: * -
ky është nder për të gjithë besnikët e tij. Lavdi Atit e Birit * e Shpirtit
Shenjt, si ka qenë në fillim, * ashtu tash e përgjithmonë e jetës. Amen
Ant.
3 Sot për ne lindi një fëmijë: Hyji, i fortë, është emri i tij, aleluja.
Leximi
i shkurtër Heb 1, 1-2 Mbasi Hyji herë mbas here dhe në mënyrë të ndryshme,
në të kaluarën, u ka folur etërve me anë të profetëve, së fundi, në këto ditë,
na foli edhe neve me anë të Birit, të cilin e bëri trashëgimtarin e të gjitha sendeve,
nëpër të cilin edhe e krijoi gjithësinë.
Përgjigjja e shkurtër C Zoti
e tregoi shpëtimin e tij * aleluja, aleluja. Zoti e tregoi shpëtimin e tij aleluja,
aleluja. D Mbarë kombeve ua shpalli drejtësinë e tij, aleluja, aleluja. Lavdi
Atit e Birit e Shpirtit Shenjt. Zoti e tregoi shpëtimin e tij aleluja, aleluja.
Kënga
ungjillore (Benedictus)
Ant. Barinjtë thoshin: Ejani të shkojmë deri
në Betlehem e të shohim ngjarjen që na kumtoi Zoti. Qoftë bekuar Zoti, Hyji
i Izraelit, * që e pa dhe e shpërbleu popullin e vet! Ai e ngriti Shpëtimtarin
tonë * në shtëpinë e Davidit, shërbëtorit të vet, sikurse premtoi kaherë * me
gojë të profetëve të tij të shenjtë: se do të na shpëtojë prej armiqve tanë * dhe
prej dorës së të gjithë atyre që na urrejnë; se do të bëjë mirësinë që ua premtoi
etërve tanë * e do t'i bjerë në mend Besëlidhja e tij e shenjtë e betimi që
bëri në të mirën e Abrahamit, atit tonë * se do të na e bëjë të mundshme t'i shërbejmë
pa frikë, të çliruar nga duart e armikut * në shenjtëri e drejtësi para tij për
çdo ditë të jetës sonë. E ti, o djalosh, do të quhesh profet i të Tejetlartit,
* sepse do të shkosh përpara Zotit për t'ia përgatitur udhët, për ta vënë
në dijeni popullin e tij * se Hyji do ta shëlbojë duke ia falur mëkatet e tija, në
saje të zemrës së dashur të Hyjit tonë * që do të na e dërgojë në pasi prej qiellit
Diellin, për të shndërritur ata që gjenden në errësirë dhe në hijen e vdekjes,
* për t'i drejtuar hapat tanë në udhën e paqes.“ Lavdi Atit e Birit * e Shpirtit
Shenjt, si ka qenë në fillim, * ashtu tash e përgjithmonë e jetës. Amen
Ant.
Barinjtë thoshin: Ejani të shkojmë deri në Betlehem e të shohim ngjarjen që
na kumtoi Zoti.
Lutjet e besimtarëve Hyji në mëshirën e vet na dërgoi Krishtin,
princin e paqes. Prandaj t'i drejtohemi me plot shpresë: Paqe njerëzve vullnetmirë. O
Zot i gjithëpushtetshëm, Atë i Zotit tonë Jezu Krishtit, në këtë kohë kur Kisha e
feston dashurinë tënde shëlbuese, — pranoje me mirësi lavdinë që ne po të japim. Ti
që nga fillimi u ke premtuar njerëzve fitoren tënde nëpërmjet Jezu Krishtit, Shëlbuesit
tonë, — me dritën e ungjillit shndriti të gjithë popujt. Për lavdinë e Birit
tënd, të cilin e pritën patriarkët dhe profetët, — shëlboje popullin e Besëlidhjes
së vjetër. Ti deshe që lindjen e Birit tënd ta lajmërojnë shpirtrat qiellorë, që
ta lavdërojnë apostujt, martirët dhe besimtarët e të gjitha kohërave, — jepi
botës atë paqe të cilën e lajmëruan engjëjt. Ati ynë, që je në qiell, u shenjtëroft
emri yt. Ardhtë mbretëria jote, u bëftë vullnesa jote, si në qiell ashtu në tokë. Bukën
tonë të përditshme, na e jep sot, na i fal fajet tona si i falim ne fajtorët tanë,
e mos na lër të biem në tundim, por na liro nga i Keqi. Amen.
Lutja O
Hyj i gjithëpushtetshëm dhe i padukshëm, ti që, me ardhjen e Krishtit - Dritës së
vërtetë, i dëbove errësirat e botës, na shiko me dashuri, që të mund ta kremtojmë
si duhet Lindjen e mrekullueshme të Njëlindurit Birit tënd. I cili me ty jeton.
Përfundimi
i Orës sikurse në Shërbesën e rëndomtë.
Ora e mesme E Tretë – e gjashtë
– e nëntë V. Hyj, më eja në ndihmë! P. O Zot, shpejto të më ndihmosh! V.
Lavdi Atit e Birit e Shpirtit Shenjt, P. si ka qenë në fillim, ashtu tash e
përgjithmonë e jetës. Amen. Pason himni i përshtatshëm.
HIMNI Ora
e tretë
Himni Tash neve, o Shpirti i Shenjtë, një me Atin e Birin, denjohu
i gatshëm t’futesh i reshur n’parzëm tonë. Gojë, gjuhë, mendje, forcë, shqisa të
ushtojnë duke rrëfyer, me zjarr t’flakrojë dashuria, nxehtësia t’i ngrohë shokët. Nëpër
ty t’kuptojmë Atin, të njohim edhe Birin, ty Shpirtin e të dyve t’besojmë
në t’gjitha kohët. Amen.
Ora e gjashtë
Himni Mbret i fortë,
Hyj i vërtetë, që sundon të gjitha sendet, me ndriçim pajis mëngjesin dhe
me zjarr shkëlqe mesditën. Shuaji flakët e shamatave, flake zjarrin e dëmprurësve, jepu
trupave shërimin, dhe t’vërtetën paqe zemrave. Bëj, o Atë tërë drejtësi, dhe
ti Bir baras me Atin, bashkë me Shpirtin Ngushëllimtar që mbretëroni ndër gjithë
shekujt. Amen.
Ora e nëntë
Himni Hy i gjithësisë, fuqi e qëndrueshme, i
patrandur në ty mbahesh, kohët e dritës së përditshme përcakton me shumë mbarësi. Dhe
gjatë netëve lësho dritën, që jeta të mos ndërpritet, por çmimi i vdekjes shenjte të
jetë lavdia e përjetshme. Bëj, o Atë tërë drejtësi, dhe, o Bir, baras me Atin, bashkë
me Shpirtin Ngushëllimtar, të mbretëroni ndër gjithë shekujt. Amen.
Ant.
1 Jozefi dhe Maria, nëna e Jezusit, mrekulloheshin për të gjitha ato që thuheshin
për të.
Psalmi 19 /18 B/ (8-13. 15) I përsosur është Ligji i Zotit, * shpirtin
përtërin; për t’u besuar është Dëshmia e Zotit, * të miturve u jep dijen. Urdhërimet
e Zotit janë të drejta, * kënaqin zemrën; urdhri i Zotit është i qartë, * dritë
u jep syve. E panjollë është frika e Zotit, * nuk ndërron në shekuj të shekujve; gjyqet
e Zotit janë të vërteta, * të gjitha njënjë të drejta. Më të çmueshme se ari,
* se më i pastri ar, më të ëmbla se mjalti, * se hoja që rrjedh mjaltë. Shërbëtori
yt me kujdes i mëson: * t’i mbash ato është fitesë e madhe. Porse kush i heton
gabimet? * Më pastro, o Zot, prej mëkateve të fshehta, Të pëlqefshin, o Zot,
* fjalët e gojës sime, edhe mendimi i zemrës sime para teje, * o Zot, Ndihmësi
im e Shëlbuesi im! Lavdi Atit e Birit * e Shpirtit Shenjt, si ka qenë në
fillim, * ashtu tash e përgjithmonë e jetës. Amen
Ant. 1 Jozefi dhe Maria,
nëna e Jezusit,
mrekulloheshin për të gjitha ato që thuheshin për të. Ant.
2 Maria i ruante me kujdes në zemër ngjarjet e mrekullueshme të birit të vet.
Psalmi
47 /46/ (2-10) Duartrokitni, o popuj të gjithë, * brohoritni Hyjit me zë gëzimi! Sepse
Hyji është i tejetlartë, i tmerrshëm, * Mbreti i madh mbi tokën mbarë. Popujt
i vuri nën sundimin tonë, * paganët nën këmbët tona. Ai e rizgjodhi trashëgimin
tonë për ne, * nderin e Jakobit, të dashurit të vet. Ngjitet Hyji me brohori,
* Zoti me zë trumbete. Këndoni Hyjit, këndoni, * këndoni mbretit tonë, këndoni! Sepse
Hyji është mbreti i mbarë tokës: * këndoni këngë me mjeshtëri! Hyji mbretëron
mbi mbarë popujt, * Hyji rri mbi fronin e vet të shenjtë. Princat e popujve
paganë bashkohen * me popullin e Hyjit të Abrahamit, sepse Hyjit i përkasin
mburojat e botës, * Ai është i lartësuar mbi të gjithë. Lavdi Atit e Birit * e
Shpirtit Shenjt, si ka qenë në fillim, * ashtu tash e përgjithmonë e jetës.
Amen
Ant. 2 Maria i ruante me kujdes në zemër ngjarjet e mrekullueshme të
birit të vet. Ant. 3 Sytë e mi e panë shëlbimin që e bëre gati në sytë e të
gjithë popujve.
Psalmi 48 /47/ (2-15) I madhërishëm është Zoti e tejet i
lavdishëm, * në qytetin e Hyjit tonë! Mali i tij i shenjtë, kodrinë e bukur,
* gëzimi i mbarë botës: Mali Sion, në veriun e skajshëm, * Qyteti i Mbretit
të madh, Hyji në pirgjet e tija * u tregua kështjellë e pathyeshme. Dhe ja,
u bashkuan mbretërit, * sulmuan së bashku, posa panë, u rrudhën, * e, të
hutuar, ikën praptazi. Aty i kapën të dridhurat * si dhimbjet e lindëses, ishin
si stuhia e lindjes * që i thyen anijet e Tarsisit. Siç kemi pas dëgjuar, tani
po shohim, në qytetin e Zotit të Ushtrive, † në qytetin e Hyjit tonë * -
Hyji e themeloi për amshim. Po e kujtojmë, o Hyj, mëshirën tënde * në mesin
e Tempullit tënd. Sikurse Emri yt, o Hyj, ashtu edhe lavdia jote † arrin deri
në skajin e botës, * e djathta jote është plot drejtësi. Le të galdojë mali
i Sionit, † le të brohorasin qytetet e Judës * për shkak të gjyqeve të tua! Silluni
rreth e rreth Sionit, përshkojeni kryq e tërthor, * numërojani kullat e tija, vëreni
mirë muret e tija, † vëzhgoni hollë pallatet e tija * që të mund t’i tregoni
breznisë së ardhshme: Ky është Hyji, Hyji ynë † për amshim e në shekuj të shekujve;
* Ai na prin në amshim. Lavdi Atit e Birit * e Shpirtit Shenjt, si ka
qenë në fillim, * ashtu tash e përgjithmonë e jetës. Amen
Ant. 3 Sytë e
mi e panë shëlbimin që e bëre gati në sytë e të gjithë popujve.
Ora e tretë
Leximi
i shkurtër Tit 2, 11-12 U duk hiri i Hyjit që u sjell shëlbimin të gjithë njerëzve.
Ai na mëson t’i biem mohit pabesimit dhe dëshirave të shekullit për të jetuar në
këtë botë urtisht, drejtësisht dhe përshpirtërisht. D Zoti e kujtoi dashurinë e
tij, aleluja, C dhe besnikërinë e tij ndaj shtëpisë së Izraelit, aleluja.
Ora
e gjashtë
LEXIMI I SHKURTËR 1 GJN 4, 9 Ja si u dëftua dashuria e
Hyjit në ne: Hyji e dërgoi në botë një të Vetmin Birin e vet që ne të jetojmë në saje
të tij. D Kufijtë e botës e panë, aleluja, C shëlbimin e Hyjit tonë, aleluja.
Ora
e nëntë
Leximi i shkurtër Vap 10, 36 Hyji u dërgoi Fjalën e vet izraelitëve
dhe ua shpalli Ungjillin e paqes përmes Jezu Krishtit që është Zotëria i të gjithëve. D
Dashuria dhe besnikëria takohen, aleluja, C paqja dhe drejtësia përqafohen, aleluja.
Lutja O
Hyj i gjithëpushtetshëm dhe i padukshëm, ti që, me ardhjen e Krishtit - Dritës së
vërtetë, i dëbove errësirat e botës, na shiko me dashuri, që të mund ta kremtojmë
si duhet Lindjen e mrekullueshme të Njëlindurit Birit tënd. I cili me ty jeton.
Përfundimi
i Orës sikurse në Shërbesën e rëndomtë.
MBRËMËSORJA II
V. Hyj,
më eja në ndihmë! P. O Zot, shpejto të më ndihmosh! V. Lavdi Atit e Birit e
Shpirtit Shenjt, P. si ka qenë në fillim, ashtu tash e përgjithmonë e jetës.
Amen.
Himni O Krisht, Shëlbuesi i t’gjithëve, prej Atit, Bir i
vetëm, veç ti para fillimit u linde e me gojë s’shprehet. Ti dritë, shkëlqim
i Atit, ti shpresë për jetën e t’gjithëve, dëgjo lutjet që nxjerrin shërbëtorët
tu nëpër botë. Kujto, o Autor shëlbimi se dikur more trajtën e trupit tonë,
kur t’lindi një Virgjër e paprekur. Dëshmon kjo ditë e tashme që rrjedh në
rreth të vitit, veç ti nga froni i Atit erdhe shpëtim për botën. Këtë qielli,
toka e deti, çdo gjë që ndër to ndodhet, ty autor të ardhjes sate lavdërojnë
me këngë të hareshme. Dhe ne që u shpërblyem me gjakun tënd të shenjtë, n’ditën
e lindjes sate bashkë himn të ri këndojmë. Ty të qoftë lavdia, o Jezus, që
u linde nga Nënë Virgjër me Atin e me Shpirtin jetëdhënës në shekujt e shekujve.
Amen.
Ose një himn tjetër, apo një këngë e miratuar nga autoritetet kishtare. Ant.
1 Ty të qoftë mbretëria në ditën e lavdisë sate: në shkëlqim e në shenjtëri Hyji
të lindi para agimit.
Psalmi 119 /118/ III (17-24) Bëja këtë të mirë shërbëtorit
tënd: * që të jetoj e ta mbaj fjalën tënde. M’i hap sytë të shikoj * mrekullitë
e ligjit tënd. Ravgues jam unë përmbi dhe, * mos i fsheh para meje urdhërimet
e tua. Shpirti im meket gjithherë * prej dëshirës së gjyqeve të tua. Ti u
kërcënohesh krenarëve: * të mallkuar janë ata që u shmangen urdhërimeve të tua. Më
liro nga poshtërimi e turpi, * sepse i ruaj dëshmitë e tua. Nëse edhe princat
bëjnë mbledhje e flasin kundër meje, * shërbëtori yt ushtrohet në rregulloret e
tua. Sepse dëshmitë e tua janë kënaqja ime, * rregulloret e tua këshillëtarët
e mi. Lavdi Atit e Birit * e Shpirtit Shenjt, si ka qenë në fillim, * ashtu
tash e përgjithmonë e jetës. Amen.
Ant. 1 Ty të qoftë mbretëria në ditën e
lavdisë sate: në shkëlqim e në shenjtëri Hyji të lindi para agimit. Ant. 2 Te
Zoti është mëshira shëlbimi i tij është i madh.
Psalmi 25 /24/ Urata për
falje dhe për shpëtim Shpresa nuk turpëron (Rom 5, 5).
I (1-11) Te
ti, o Zot, e lartësoj shpirtin tim! † Hyji im, në ty shpresoj: mos lejo të turpërohem!
* të mos ngihen në mua armiqtë e mi, dhe askush që shpreson në ty mos u turpëroftë!
* Turpi i mbuloftë ata që për asgjë tradhtojnë. Bëj t’i njoh, o Zot, udhët e
tua * e m’i mëso shtigjet e tua. Më drejto me të vërtetën tënde dhe më mëso,
† sepse ti je Hyji im, Shëlbuesi im, * në ty shpresoj gjithmonë. Të të bien
në mend mëshirat e tua, o Zot, * dhe dashuria jote që është e amshueshme. Mos
i kujto fajet e rinisë sime e paudhësitë: † të të bie në mend për mua sipas dashurisë
sate * - për hir të mirësisë sate, o Zot. I ëmbël e i drejtë është Zoti, * mëkatarët
i kthen në udhë të drejtë, të përvujtëve u prin në drejtësi, * të butëve ua
mëson udhën e vet. Të gjitha udhët e Zotit janë mëshirë dhe e vërtetë * për
ata që mbajnë Besëlidhjen e tij e urdhërimet. Pashë Emrin tënd, o Zot, * ma
fal mëkatin: njëmend është i madh. Lavdi Atit e Birit * e Shpirtit Shenjt, si
ka qenë në fillim, * ashtu tash e përgjithmonë e jetës. Amen.
Ant. 2 Te
Zoti është mëshira shëlbimi i tij është i madh. Ant. 3 Qysh në fillim, para
shekujve, Fjala ishte Hyj: Shëlbues i botës.
II (12-22) A ka njeri që
e druan Zotin? * Vetë Zoti ia mëson udhën që duhet të marrë. Ai do ta kalojë
jetën në mirëqenie, * pasardhësit e tij do ta trashëgojnë dheun. Miqësisht sillet
Zoti me ata që e druajnë, * për t’ua njoftuar Besëlidhjen e vet. Sytë e mi përherë
i drejtoj te Hyji, * sepse ai i nxjerr këmbët e mia prej lakut. Më shiko, o
Zot, e ki dhembje për mua, * sepse jam i vetmuar e i mjerë. Lehtësoji dhembjet
e zemrës sime * e më nxirr nga vështirësitë e mia. Shihe përvujtërimin tim dhe
mundimin * dhe m’i fal të gjitha fajet e mia. Shikoji armiqtë e mi: seç u shumuan
* dhe më urrejnë me urrejtje të tërbuar! Ruaje shpirtin tim dhe më shpëto; * mos
lejo të turpërohem pasi jam në ndoren tënde. Le të më mbrojë pafajësia dhe drejtësia,
* sepse në ty e kam vënë shpresën. Shpëtoje, o Hyj, Izraelin * prej të gjitha
vështirësive të tij. Lavdi Atit e Birit * e Shpirtit Shenjt, si ka qenë në
fillim, * ashtu tash e përgjithmonë e jetës. Amen.
Ant. 3 Qysh në fillim,
para shekujve, Fjala ishte Hyj: Shëlbues i botës.
Leximi i shkurtër 1 Gjn
1, 1-3 Çka ishte qysh në fillim, çka dëgjuam çka pamë me sytë tanë, çka soditëm
dhe duart tona prekën, në lidhje me Fjalën e jetës, - po, Jeta u shfaq, ne e pamë
dhe dëshmojmë dhe ju kumtojmë Jetën e pasosur, që ishte te Ati dhe na u shfaq neve
- çka pamë e dëgjuam po jua kumtojmë edhe juve që edhe ju të keni bashkësi me ne.
E bashkësia jonë është me Atin dhe me Birin e tij, Jezu Krishtin.
Përgjigjja
e shkurtër C Fjala e Zotit u bë njeri * aleluja, aleluja. Fjala e Zotit u bë
njeri aleluja, aleluja. D Dhe banoi ndër ne, aleluja, aleluja. Lavdi Atit
e Birit e Shpirtit Shenjt. Fjala e Zotit u bë njeri aleluja, aleluja.
Kënga
ungjillore (Magnificat)
Ant. Mbreti i qiellit deshi të lindë prej një virgjëre, për
ta kthyer prapë në mbretërinë e qiellit njerëzimin e humbur . Shpirti im e
madhëron Zotin, * shpirti im me hare i brohorit Hyjit, Shëlbuesit tim, sepse
shikoi me pëlqim mbi shërbëtoren e vet të përvujtë: * qe se, që tani të gjitha
breznitë do të më quajnë të lumtur, sepse punë të mëdha bëri për mua Hyji i gjithpushtetshëm
* - i shenjtë është Emri i tij! Mëshira e tij brezni më brezni * për ata
që e druajnë. E tregoi fuqinë e krahut të vet: * hodhi poshtë qëllimet e krenarëve, i
rrëzoi princat prej froneve të tyre * i lartësoi të përvujtët. Me të mira i
mbushi ata që s'kishin ç'të hanë të pasurit i nisi duarthatë. I ndihmoi Izraelit,
shërbëtorit të vet, duke e sjellë në mend mëshirën - si ua pati premtuar etërve
tanë * në të mirën e Abrahamit e të pasardhësve të tij në amshim. Lavdi Atit
e Birit * e Shpirtit Shenjt, si ka qenë në fillim, * ashtu tash e përgjithmonë
e jetës. Amen
Ant. Mbreti i qiellit deshi të lindë prej një virgjëre, për
ta kthyer prapë në mbretërinë e qiellit njerëzimin e humbur .
Lutjet e
besimtarëve T'ia drejtojmë lutjet tona Hyjit të mëshirshëm, i cili Birin e vet
e lindi me Shpirtin Shenjt për t’ia sjellë lajmin e gëzueshëm të varfërve: Atë
i dashur, ki mëshirë për ne. Ti dëshiron që të gjithë popujt të shëlbohen dhe ta
njohin një të vetmin Birin tënd, — gëzoje gjithë tokën me lindjen e tij. Atë
e dërgove që t'ua sjellë lajmin e gëzueshëm të varfërve, që të burgosurve t'ua
sjellë lirinë dhe ta lajmërojë kohën e hirit tënd, — jepu njerëzve lirinë dhe paqen. Tek
ai i drejtove dijetarët e popujve që t'i përkulen, — pranoji shprehjet e besimit
tonë dhe lutjen tonë të përvuajtur. Të gjithë njerëzit i fton prej errësirës në
dritën tënde të mrekullueshme që në emër të Jezusit të përkulet çdo gju, — bëj
të jemi dëshmitarë të Ungjillit. Krishtin, të lindur në Betlehem, e bëre dritë
për t'i ndriçuar të gjithë njerëzit — tregojua lavdinë e fytyrës sate vëllezërve
tanë të vdekur.
Ati ynë, që je në qiell, u shenjtëroftë emri yt. Ardhtë mbretëria
jote, u bëftë vullnesa jote, si në qiell ashtu në tokë. Bukën tonë të përditshme,
na e jep sot, na i fal fajet tona si i falim ne fajtorët tanë, e mos na lër të biem
në tundim, por na liro nga i Keqi. Amen.
Lutja O Hyj i gjithëpushtetshëm
dhe i padukshëm, ti që, me ardhjen e Krishtit - Dritës së vërtetë, i dëbove errësirat
e botës, na shiko me dashuri, që të mund ta kremtojmë si duhet Lindjen e mrekullueshme
të Njëlindurit Birit tënd. I cili me ty jeton.
PAS MBRËMËSORJA PAS LUTJES
SË MBRËMJËS II TË SË DIELËS DHE TË KREMTEVE
V. Hyj, më eja në ndihmë! P.
O Zot, shpejto të më ndihmosh! V. Lavdi Atit e Birit e Shpirtit Shenjt, P. si
ka qenë në fillim, ashtu tash e përgjithmonë e jetës. Amen. (K. P. aleluja) Në
këtë moment është mirë të mbahet një moment qetësie për të bërë shqyrtimin e ndërgjegjes.
Në kremtimet e bashkësive mund të përdoret apo të përshtatet një nga formulat e
pendesës që përdoren gjatë meshës. Ose
PUNA E PENDIMIT O Zoti im,
po më vjen keq me gjithë zemër për të gjitha mëkatet që i kam bërë. Se kam bjerrë
parrizin dhe kam merituar ferrin. Por më fort se të kam fyer Ty, o E mira e pambaruar,
që kaq fort më ke dashur. Mëshirë, o Zot! Më fal, o Zot! Po të jap fjalën, me ndihmën
tënde, që mos të fyej më kurrë. Amen.
Himni: njëri prej këtyre që vijon,
sipas dëshirës HIMNI Para fundit të dritës, ty duam, krijuesi
i sendeve, me mirësinë e zakontë, të na kryesosh në roje. Ty ëndërrofshin
zemrat tona, në gjumë të rëndë Ty ndjefshin, dhe gjithmonë lavdinë tënde këndofshin
në ag të dritës. Na jep jetë të shëndetshme, ngrohtësinë tonë përtërije, mjegullën
e zezë të natës ta sqarojë drita jote. Na jep, Atë fuqiplotë, me anë t’Hyjit
Jezu Krisht, që me ty në amshim m bretëron me Shpirtin Shenjt. Amen. Ose: O
Krisht, që tërë shkëlqim e dritë zbulon errësitë e natës, e ndriçim drite quhesh kur
dritë u flet të lumëve. O Hy i Shenjtë të lutemi Ti në këtë natë na ruaj; në
ty të gjejmë pushimin, na i bëj të qeta or ët. Nëse sytë i zë gjumi, për
ty zemra t’rrijë zgjuar; të mbrosh me dorën tënde besnikët që të duan. Shiko,
o mbrojtësi ynë, na ruaj ndër prita e kurthe, sundo shërbëtorët tu që me
gjak tënd shpërbleve. O Krisht, mbret shumë i drejtë, Ty e Atit iu qoftë lavdia, me
Shpirtin Ngushëllimtar ndër shekujt e përhershëm. Amen. Ant. 1 Bano nën hijen
e të Gjithëpushtetshmit: dhe do të gjesh strehim prej ngashënjimeve të së keqes.
Psalmi
91 /90/ (1-16) Lum njeriu që është nën mbrojtjen e të Tejetlartit Qe,
ju dhashë pushtet të shkelni përmbi gjarpërinj e përmbi akrep (Lk 10, 19). Kush
banon nën mbrojtjen e të Tejetlartit, * do të qëndrojë nën hijen e të Gjithëpushtetshmit. Do
t’i thotë Zotit: »Strehimi im, * kështjella ime, Hyji im, do të shpresoj në të.« Sepse
Ai do të të çlirojë ty nga laku i gjahtarëve * dhe nga fjala dijekeqe. Do të
të bëjë hije me krahët e vet * do të strehohesh nën fletët e tija, shqyt e pancir
e vërteta e tij. * Nuk do të tutesh prej tmerrit të natës, as prej shigjete
që fluturon ditën, † as prej murtaje që shëtit në errësirë, * as prej shfarosjes
që shkretëron në mesditë. Le të bien me mijëra rreth teje, † dhjetëra mijëra
në të djathtën tënde, * ty nuk do të të ndodhë asgjë! Porsa ti me sy të vetëtish,
* shpagimin e mëkatarit do ta shikosh! Pasi Zoti është mburoja jote * dhe
e zgjodhe të Tejetlartin për strehimin tënd, e keqe nuk do të të gjejë, * dhe
frushkull s’do t’i afrohet tendës sate: sepse engjëjve të vet urdhër u dha * të
të ruajnë në të gjitha udhët e tua. Do të të mbartin para duarsh * që gand të
mos e ndeshësh këmbën tënde për gur. Do të shkelësh mbi shlligë e kapastrec, * do
të kalosh mbi luanë e gjarpërinj. »Do ta shpëtoj sepse më do, * do ta marr ndore
sepse e njeh Emrin tim. Ai do të më thërrasë e unë do t’i ndihmoj, † në vështirësi
do të jem me të, * do ta shpëtoj dhe do ta madhëroj. Do t’i dhuroj jetë të gjatë,
* do t’ia tregoj shëlbimin tim.« Lavdi Atit e Birit * e Shpirtit Shenjt, si
ka qenë në fillim, * ashtu tash e përgjithmonë e jetës. Amen
Ant. 1 Bano
nën hijen e të Gjithëpushtetshmit: dhe do të gjesh strehim prej ngashënjimeve
të së keqes.
Leximi i shkurtër Zb 22, 4-5 Shërbëtorët e Hyjit do
ta shikojnë fytyrën e tij. Emri i tij do të jetë në ballë të tyre. Nuk do të ketë
natë as drita e llambës më nuk do të duhet as drita e diellit, sepse Zoti Hyj do
të shndrisë mbi ta dhe ata do të mbretërojnë në shekuj të shekujve.
Përgjigjja
e shkurtër
C O Zot, * në duart e tua po e dorëzoj shpirtin tim. O Zot, në
duart e tua po e dorëzoj shpirtin tim. D O Hyj i së vërtetës, ti më ke shëlbuar: në
duart e tua po e dorëzoj shpirtin tim. Lavdi Atit e Birit e Shpirtit Shenjt. O
Zot, në duart e tua po e dorëzoj shpirtin tim. Ant. Na shpëto, o Zot, derisa rrimë
zgjuar; na ruaj kur flemë: që të rrimë zgjuar me Krishtin dhe të gjejmë prehje
në paqe. (K. P. aleluja)
Kënga e Simonit Lk 2, 29-32 Krishti, drita
e popujve dhe lavdia e Izraelit. Tani, o Zot, mund të lejosh të vdesë * shërbëtori
yt në paqe sikurse the ti vetë, sepse me sytë e mi e pashë shëlbimin * që ti
e bëre gati në sy të të gjithë popujve: Dritën që bën të njohin Ty paganët * e
që i jep nder popullit tënd, Izraelit. Lavdi Atit e Birit * e Shpirtit Shenjt, si
ka qenë në fillim, * ashtu tash e përgjithmonë e jetës. Amen
Ant. Na shpëto,
o Zot, derisa rrimë zgjuar; na ruaj kur flemë: që të rrimë zgjuar me Krishtin dhe
të gjejmë prehje në paqe. (K. P. aleluja)
Lutja
Le të ngritët para teje,
o Atë, lutja jonë në fund të kësaj dite, përkujtimore të ringjalljes së Zotit: bëj
me hirin tënd që të pushojmë në paqe, të sigurt prej çdo së keqeje, dhe të zgjohemi
në gëzim për ta kënduar lŕvdin tënd. Nëpër Zotin
Në të kremte:
Lutja Vizito,
o Atë, shtëpinë tonë dhe na mbro prej sulmeve të armikut; le të vijnë engjëjt e shenjtë
që të na ruajnë në paqe, e bekimi yt le të jetë gjithmonë me ne. Nëpër Zotin
Edhe
kur Pasmbrëmësorja thuhet personalisht, vijon bekimi:
Zoti i gjithëpushtetshëm
na dhuroftë një natë të qetë dhe një mbarim të mirë. C Amen. Të falemi Mbretëreshë,
Nëna e mëshirës, jeta, ëmbëlsimi e shpresa jonë, të falemi! Ty të thërrasim ne të
shkretët, bijtë e Evës, që po fshajmë, po gjëmojmë e po qajmë në këtë shekull plot
me lot. Deh pra, pajtorja jonë, ata sy të mëshirshëm të tu silli prej nesh! E Jezusin,
të bekuarin, frytin e barkut tënd, pas kësaj shkretie na e kallxo. O e dhimbshmja,
o e buta, o e ëmbla Virgjëra Mari! Amen. Nën mbrojtjen tënde po ngasim, o shenjta
Nëna e Hyjit, mos na i përbuz lutjet ndër nevoja tona, por, o virgjëra e lume dhe
e bekuar, na shpëto përherë prej të gjithë rreziqesh, Zoja jonë, dhe ndërmjetëse
e jona. Me Birin tënd na pajto, Birit tënd na porosit ndër duar të Birit tënd na
lësho.