Болей за 77 тысячаў чалавек удзельнічала ў набажэнствах Свята Калядаў
Набажэнствы з нагоды сьвята Божага Нараджэньня праходзілі па ўсёй Беларусі. Такія
дадзеныя паведамілі БелаПАН ва Ўправе інфармацыі і грамадзкіх сувязяў Міністэрства
ўнутраных спраў. 25 сьнежня беларускія рыма- і грэка-каталікі, а таксама пратэстанты
азначалі Божае Нараджэньне. У Менскім архікатэдральным касьцёле дзённую імшу на
беларускай мове адслужыў мітрапаліт менскі і магілёўскі, архібіскуп Тадэвуш Кандрусевіч. Сярод
малітваў, якія прагучалі з вуснаў мітрапаліта Кандрусевіча, былі малітвы за Беларусь,
здароўе і дабрабыт яе грамадзянаў, адзінства хрысьціянскіх канфэсіяў і за сумленнае
служэньне ўладаў краіны яе народу.