(28.12.2009 RV)Nuk dihet sa kanë gjetur vdekjen në Teheran, në ndeshjet me
policinë. Flitet për 15, ose 8 e madje edhe për 4 manifestues të vrarë. Ndër ta, nipi
i liderit të opozitës Musavì, Sajed Ali Musavì, trupi i të cilit është vjedhur disa
orë para funeralit. Sipas disa faqeve interneti të opozitës, kjo është bërë për të
mos lejuar të verifikohej nëse vdekja i ka ardhur nga armë zjarri. Sot, policia
iraniane përdori gazin lotsjellës kundër protestuesve. Janë arrestuar disa eksponentë
të opozitës, përkrahës të liderit Musavì e të ish-presidentit iranian Khatamì. Që
paradite është pezulluar shërbimi i mesazheve me celular, ndërsa rrjeti i internetit
punon me ngadalësi. E gjithë bota perëndimore ka ngritur zërin në favor të manifestuesve.
Nota formale proteste kanë paraqitur SHBA-të dhe Bashkimi Evropian, si edhe shumë
shtete të tjera.