Sot në orën 22.00, Mesha e Natës, kryesuar nga Papa; nesër, Bekimi ‘Urbi et Orbi’.
Sonte 24 dhjetor,duke nisur nga ora 22.00, Benedikti XVI do të kryesojë,
në Bazilikën e Vatikanit, Meshën Shenjte të Natës së Solemnitetit të Lindjes së Zotit.
Është natë e pagjumë, natë e pritjes. Siç nënvizoi Papa Natën e Krishtlindjes,
vitin e kaluar, vetëm një zemër vigjilente mund të marrë guximin të vihet në udhë,
për të gjetur Zotin me pamjen e Foshnjes së posalindur në një stallë. Ditën
e Krishtlindjes me 25 dhjetor, pastaj, sipas traditës ne ora 12.00, Papa do t’i
drejtojë Romës e Botës, Bekimin Urbi et Orbi, me veshje që ndryshojnë paksa
nga ato të përvitshmet, për të theksuar vazhdimësinë e së kaluarës në të sotmen,
edhe përmes petkave liturgjike. E me të njëjtën frymë, Mesha e Natës së Këshndellave
do të pasurohet me liturgjinë e Fjalës e këngën e Kalendës.