Shenjtorët pasqyrojnë dritën e Krishtit: kështu Papa në audiencën me Kongregatën për
Çështjet e Shenjtorëve
(19.12.2009 RV)Ditë e impenjuar e sotmja për Papën Benedikti XVI. Paradite
ai priti në audiencë anëtarët e Kongregatës për Çështjet e Shenjtorëve, në 40 vjetorin
e themelimit, dhe të rinjtë e Veprimit Katolik. Shenjtorët bëjnë që të shkëlqejë
në fletët e historisë drita e dinjitetit të madh që Zoti i ka dhënë njeriut, u tha
Papa anëtarëve të Kongregatës për Çështjet e Shenjtorëve, të kryesuar nga prefekti
i dikasterit vatikanas, imzot Anxhelo Amato. Rasti i mundësoi Benediktit XVI të reflektojë
mbi etapat e shpalljes së shenjtorëve nga ana e Kishës, në historinë e saj dymijëvjeçare,
për t’i paraqitur mbarë krishterimit shembujt e dëshmisë ungjillore.