വിദ്യഭ്യാസ-ആരോഗ്യ മണ്ഡലങ്ങളില് മുതല്മുടക്കുന്ന സന്നദ്ധസംഘടനകള്ക്ക് താങ്ങാകുന്നതിനു
പകരം സര്ക്കാര് അവയെ ഇല്ലായ്മ ചെയ്താല് നഷ്ടം നാടിനുതന്നെയാണെന്ന് കൊച്ചി ബിഷപ്പ്
അഭിവന്ദ്യ ജോസഫ് കരിയില്.
(വത്തിക്കാന്
18/12/2009) വിദ്യഭ്യാസമേഖലയിലും ആതുരസേവനരംഗത്തും മുതല് മുടക്കാന് പണമില്ലെന്നുപറഞ്ഞ്
മാറിനില്ക്കുന്ന സര്ക്കാര് ആ മണ്ഡലങ്ങളിലേക്ക് കടന്നുവരുന്ന സന്നദ്ധസംഘടനകളെ പ്രോത്സാഹിപ്പിക്കുകയാണ്
വേണ്ടതെന്ന് കൊച്ചിരൂപതയുടെ സാരഥി അഭിവന്ദ്യ ജോസഫ് കരിയില് പ്രസ്താവിച്ചു. ഇതിനുപകരം
ഈ സംഘടനകളെയും മറ്റും കച്ചവടക്കാരായും ജനങ്ങളെ ഉപദ്രവിക്കുന്നവരായും സംസ്ഥാന സര്ക്കാര്
അവതരിപ്പിക്കുന്ന ഒരവസ്ഥയാണ് കേരളത്തിലുള്ളതെന്ന് അദ്ദേഹം വത്തിക്കാന് റേഡിയോയ്ക്കനുവദിച്ച
അഭിമുഖത്തില് പറഞ്ഞു. സര്ക്കാരിന് പറ്റില്ലയെന്ന് പറയുന്നതുകൊണ്ടാണ് സന്നദ്ധസംഘടനകള്
ആ രംഗങ്ങളിലേക്ക് കടന്നുവന്ന് വന്തോതില് മുതല്മുടക്കുന്നതെന്നും അവയ്ക്ക് താങ്ങായി
നില്ക്കുന്നതിനു പകരം അവയെ ഇല്ലായ്മ ചെയ്യാന് ശ്രമിച്ചാല് നഷ്ടം നാടിനുതന്നെയാണെന്നും
ബിഷപ്പ് ജോസഫ് കരിയില് പറഞ്ഞു. ഈ അഭിമുഖത്തിന്റെ പൂര്ണ്ണരൂപം കേള്ക്കാന്: