Rubrika “Shtigjeve të Krishtlindjes”: “Ai është nga fisi ynë!”.
(17.12.2009 RV)Emisioni i tetëmbëdhjetë i rubrikës “Shtigjeve të Krishtlindjes”
na çon larg e afër,në historinë e breznive të Jezu Krishtit si njeri e
në historinë tonë, sepse të dyja historitë lidhen në mënyrë të pazgjidhshme njëra
me tjetrën: Me breznitë e Jezu Krishtit si njeri, na njeh Ungjilli
sipas Mateut. Mt 1,1-17 "Gjenealogjia është shkencë që
përparon gjithnjë. Ndonëse ndonjë nga etërit, asfare s’na pëlqen. Për Krishtin
kjo s’ka pikë rëndësie. Natyrisht ndërmjet miliarda emrash që u endën rrugëve
të botës, ka princa, profetë, madje edhe harbutë. Raab – për shembull – qe prostitutë
me nam që deri mbretin vetë e pat’ trullosur fare! Por ka edhe më ndër dinastitë
mbretërore që etërit tanë sunduan, e fare s’morën vesh i sundoi mbreti,
a prostituta e tij. E ka dhe më nën sundime të tjera republikanësh e plebejsh,
që ndoqën njëri-tjetrin. Njerëz gjithfarësh endeshin nëpër kufij, si emigrantë,
e i ndiqnin, i burgosnin e i vrisnin. Si ne jetonin Jezusi e Maria. Jezusi u
bë njeri në mes njerëzores, që në shekuj pak ndryshon. Deshi njeriut t’i hapte një
rrugë të re. E emri i tij u shkrua në histori, si emrat tanë. U ngjit në
qiell pastaj, se ishte Njeri-Zot! Po fryma e tij na merr mbrapa. si afshi
i zjarrit e na thotë: Ti mos kij frikë Unë jam edhe si ti!Unë jam me ty!”.