Në audiencë te Papa, kryeministri i Malit të Zi, Xhukanoviç. Vlerësohet kontributi
i katolikëve në shoqëri.
(14.12.2009 RV)Sot paradite, Papa Benedikti XVI priti në audiencë kryeministrin
e Malit të Zi, Milo Xhukanoviç. “Gjatë takimit të përzemërt – informon nota e Sallës
së Shtypit të Vatikanit – pati një shkëmbim të frytshëm opinioni mbi temat e aktualitetit
ndërkombëtar, mbi situatën në rajon dhe mbi sfidat kryesore që e presin. Në vazhdim,
u vu në dukje kontributi pozitiv që ka sjellë pakica e rëndësishme katolike në shoqërinë
malazeze. Në fund – shton komunikata – u fol për disa tema aktuale, në veçanti për
impenjimin e qeverisë në nxitjen e paqes dhe të ekuilibrit ndërmjet popullsive e feve
të pranishme në vend”. Pas audiencës me Benediktin XVI, kryeministri i Malit të
Zi pati biseda me sekretarin e Shtetit të Vatikanit, kardinalin Tarçizio Bertone dhe
me sekretarin për Marrëdhëniet me Shtetet, kryeipeshkvin Dominik Mambertì.