Լուրեր Հայ Աշխարհէն՝Սփիւռք Եւ Մայր Հայրենիք։

Լուրեր Հայ Աշխարհէն՝Սփիւռք Եւ Մայր Հայրենիք։



Թիֆլիսի Մուղնիի Սուրբ Գէորգ եկեղեցւոյ շինարարական աշխատանքները պիտի ընդրկուին Վրաստանի պետական ծրագրին մէջ կը հաւաստիացնեն վրացական

Իշխանութիւնները։



Թիֆլիսի Մուղնիի Սբ. Գէորգ եկեղեցւոյ նախագծային ու շինարարական աշխատանքները պիտի ընդրկուին Վրաստանի 2010 թ. վերականգնման աշխատանքներու պետական ծրագրին մէջ։ Վրացական իշխանութիւններու այս մտադրութեան մասին արտայայտուած է Թիֆլիսի մէջ հետազօտութեան մասնակցած Յովհաննէս Սանամեանը։ Գործուղման ընթացքին Յ.Սանամեանը հանդիպած է նաեւ Վրաստանի մօտ ՀՀ արտակարգ եւ լիազօր դեսպան Հրաչ Սիլվանեանին եւ ՝՝Արխիտեքս՝՝ նախագծաշինարարական կազմակերպութեան ղեկավար Շալվա Մելիքիձեի հետ։ Ձեռք բերուած պայմանաւորուածութեան հանաձայն՝ Դեկտեմբեր 15-20, Վրաստանի գործակալութիւնը ՀՀ մշակոյթի նախարարութեան պիտի տրամադրէ եկեղեցւոյ վերականգնման աշխատանքներու առաջադրանքը, յետոյ նաեւ՝ վերականգնման նախաիծը, աշխատանքային գծագրերը՝ նախարարութեան գիտամեթոտական խորհուրդէն ներս քննարկելու նպատակով։ ՝՝Արխիտեքս՝՝ կազմակերպութեան ղեկավար Շ. Մելիքիձեի հետ պայմանաւորուածութիւն ձեռք բերուած է որ նախագծային աշխատանքներուն մէջ ընդրկուին նաեւ հայ մասնագէտները՝ համատեղ ուսումնասիրման եւ վերականգնման նախագիծը կազմելու համար։ Մուղնիի Սուրբ Գէորգ եկեղեցին հիմնադրուած է 1356ին,

վերակառուցուած՝1756-ին, իսկ 1852-93 թթ մասնակի նորոգուած է։ Եկեղեցին կառուցուած է թրծած աղիւսով։ Վրաստանի մէջ խորհրդային կարգերու հաստատումէն յետոյ եկեղեցին չէ գործած։ Այնտեղ մինչեւ 1980-ական թթ վերջը գործած է ազգագրութեան թանգարանը, որը տեղափոխուած է կառոյցի մէջ ճաքերու յառաջացման պատճառով։ 1990-ական թթ սկիզբէն կառոյցը համարուած է վթարային, ու ժամանակաւոր ամրացման աշխատանքներ չիրականացնելու հետեւանքով, բնական գործօններու ազդեցութենէն (բնահողի նստուածք, եղանակային գործօններ, երկրաշարժ եւ այլն) շարունակուած է քայքայուիլ։



Հայաստանի ինը քաղաքները քոյր-քաղաքի պայմանագրեր ունին տարբեր երկիրներու 27 քաղաքներու հետ։



Հայաստանի Հանրապետութեան ինը քաղաքները քոյր-քաղաքի պայմանագրեր ունին աշխարհի տարբեր երկիրներու 27 քաղաքներուն հետ։ Մայրաքաղաք Երեւանը ունի 16 քոյր-քաղաքներ ։ Իտալիոյ Քարրարա քաղաքի հետ քոյր-քաղաքի պայմանագիրը կնքուած է 1973ին, իսկ Մատակասքարի Անթանանարիվօ քաղաքի հետ՝ 1981ին։

Երեւանի քոյր-քաղաքներն են նաեւ՝ Քեմպրիճը, Օտեսան, Թիֆլիսը, Դամասկոսը, Քիշնեւը, Պէյրութը, Պրաթիսլավան, Իսպահանը, Մոնրէալը, Սաօ Փաուլոն, Տոնի Ռոստովը, Լոս Անճելըսը, Նիսը եւ Մարսէյը։



Գալով Գիւմրիին անիկա քոյր-քաղաքի համագործակցութեան պայմանագրեր ունի Ալեքսանտրիա (ԱՄՆ), Թեսաղոնիկէ (Յունաստան) եւ Փլովտիվ (Պուլկարիա) քաղաքներու, իսկ Արթիկը՝ Վիօ Վիել (Ֆրանսա), Արտաշատը՝ Քլամար (Ֆրանսա), Ալավերտին՝ Քոպուլեթի (Վրաստան) եւ Այիոս Իոանիս Ռենտիս (Յունաստան), Սեւանը՝ Կրենոպլ (Ֆրանսա), Վարդենիսը՝ Ռոման (Ֆրանսա), Գաւառը՝ Նովոռոսիյսկ, Ջերմուկը՝ Սան Ռաֆաէլօ (Ֆրանսա) քաղաքներու հետ։ Հուսկ՝Յունաստանի Նէա Զմիռնին քաղաքը որպէս քոյր քաղաք ունի՝ հայրենի Սիսիանը, ինչպէս նաեւ Վիրոնան՝ Նոյեմբերեանը։