Letër e kardinalit Klaudio Humz meshtarëve: Pa uratën e meshtarëve bashkësitë shkapërdahen.
(10.12.2009 RV)“Me të vërtetë pa shujtën themelore të lutjes, meshtari sëmuret,
dishepulli nuk gjen forca për t’i shkuar pas Mësuesit dhe vdes nga uria. Si pasojë,
grigja e tij shkapërdahet dhe në fund vdes edhe ai vetë”. Kështu shkruan kardinali
Klaudio Humz prefekt i Kongregatës për Klerin në një letër drejtuar meshtarëve me
rastin e Vitit Meshtarak. Atëherë kur uratët nuk thuhen më, shkruan kardinali Humz
“feja dobësohet dhe ministeri e bjerr përmbajtjen dhe kuptimin e vet. Si pasojë meshtari
do të ketë gjithmonë e më pak gëzim dhe gjithmonë e më pak lumturi në ministerin e
përditshëm. Si të thuash, meshtari që ecën me shumë të tjerë në rrugën e Krishtit,
të fillon të mbesë gjithnjë e më prapa duke u larguar kështu nga Mësuesi, derisa Ai
i humbet nga sytë në horizont dhe meshtari fillon të lëkundet e të hutohet.”