Ambasadori OSB-së Bosch:në Shqipëri korrupsioni mbetet problem
(09.12.2009 RV)Pavarësisht se janë marrë masa të guximshme, korrupsioni mbetet
problem në Shqipëri. Vonesat në luftë ndaj këtij fenomeni sjellin pengesa në integrimin
e Shqipërisë. Deklarata është bërë nga ambasadori i OSBE-së, në vendin tonë, Robert
Bosch gjatë një konference “Bashkë kundër korrupsionit”, në ditën kundër këtij fenomeni,
ku ai sugjeroi që korrupsioni të luftohet me gjykata të pavarura.
“Pavaresisht
se janë vërejtur hapa para, janë marrë masa të guximshme kundër korrupsionit, por
megjithatë nisur dhe nga disa raporte të kohëve të fundit, korrupsioni mbetet mbizoterues
në shumë sektor të jetës në Shqipëri". Diplomati theksoi se korrupsioni evidentohet
qartë në disa sektorë ku nuk ka aspak transparencë. “Dua të them që problemi i parë
është mungesa e transparencës për të përcaktuar qartë të drejtat e pronës, shqetesim
mbetet edhe transparenca e financimit të partive”, theksoi Bosch.
“Edhe pse
kodi e parashikon dhe QZ ka per detyre të bëjë balance, i mungojne instrumentat për
të hetuar burimin e financimit të partive. Po kështu angazhimi i disa institutcioneve
në luftën kundër korrupsionit, shpesh here nuk reflektohet në menyren e duhur per
zbatimin e ligjit”, shtoi Bosch.
"Korrupsioni rrit informalitetin, taksat
duke dëmtuar kështu shtresën e mesme dhe të varfër të popullsisë. Kjo ditë duhet të
shërbejë për të krijuar një shoqëri llogari-dhënëse", u shpreh Bosch.
Për
të luftuar këtë fenomen në shumë sektorë të jetës në vend, diplomati mendon se duhet
një gjyqësor i pavarur plotësisht nga politika dhe segmente të tjera.
“Lufta
nuk mund të fitohet pa një gjyqësor funksional. Gjyqësori shqiptar duhet te jete plotesisht
i pavarur. Gjyqësori duhet të jetë i pavarur nga ndikimet politike, por dhe gjyqtarët
nuk mund të blihen apo tu bëhet presion nga palët në gjykim. Kohët e fundit kemi parë
nje mungese transparence ne trajtimin e rasteve te dyshuara për korrupsion, kjo i
sjell gjyqesorit nje reputacion të keq. Krijon një hije dyshimi për personat e pafajshëm
të cilet janë akuzuar për korrupsion. Nuk duhet në asnjë mënyrë t’u bëhet presion
gjyqtarëve. Ata nuk mund të blihen dhe politika duhet të rrijë larg sistemit gjyqësor”,
u shpreh Bosch gjatë konferencës “Bashkë kundër korrupsionit”.
Shefi i OSBE-së
në vendin tonë, ka veçuar edhe rolin e medias në luftën kundër korrupsionit. “Media
të denoncojë korrupsionin, por mos të marrë rolin e gjyqësorit”, theksoi ai.
Takimi,
i cili u organizua në kuadër të Ditës Ndërkombëtare Kundër Korrupsionit, drejtohet
nga Inspektori i Përgjithshëm i ILDKP, z. Adriatik Llalla dhe Ambasadori i Prezencës
së OSBE në Tiranë, z. Robert Bosch. Janë ftuar të përshëndesin edhe Drejtori i Përgjithshëm
i Parandalimit të Pastrimit të Parave, z. Arben Doçi, Drejtori i Departamentit Antikorrupsion
në Këshillin e Ministrave, z. Oerd Bylykbashi dhe përfaqësues të Prokurorisë së Përgjithshme
dhe Njësisë Task-Force Antikorrupsion, z. Arben Kraja dhe z. Altin Dumani. nga BalkanWeb