Бэнэдыкт 16: якая радасьць мець за маці Непарочную
У аўторак 8-га сьнежня, на Сьвята Непарочнага Зачацьця Марыі, а паўдні на Плошчы
Сьвятога Пятра Папа адгаварыў з вернікамі Багародзічную Малітву “Анёл Гасподні”.
У сваім разважаньні Сьвяцейшы Айцец спаслаўся да ўрачыстасьці Непарочнага Зачацьця
Найсьвятой Дзевы Марыі. Гэтае сьвята ўвекавечвае факт, што Марыя, ў сілу асаблівае
прывілеі, была зьбярэжана ад першароднага граху і ад усялякае віны, каб такім чынам,
змагчы стацца жыльлём Уцелаўлёнага Слова. Бог падрыхтаваў Яе да незвычайнага заданьня
ў гісторыі збаўленьня. Непарочнае Зачацьце абазначае таксама асаблівую блізкасьць
Марыі з Богам, поўную даверанасьць Богу, ўнутраную гармонію, поўню чалавецтва. Хаця
догма аб Непарочным Зачацьці Марыі была абвешчана толькі ў 1854-м годзе самое сьвята
Касьцёл адзначае прынамсі ад 7-га стагоддзя. Але, што значыць,
што Марыя ёсьць Непарочна Зачатая? Што нам гаворыць гэтае званьне? Тут трэба зьвярнуцца
да біблійных тэкстаў ,- сказаў Папа,- да Кнігі Быцьця і да Эвангэльля паводле Лукі.
Пасьля перашароднага граху Бог зьвяртаецца да змея, якога прадстаўляе сатана, праклінае
яго і дае наступнае абяцаньне : “Я пакладу варажнечу паміж табою і жанчынаю; паміж
тваім патомствам і яе патомствам, якое скрышыць табе галаву”. Гэта абвяшчэньне
помсты: менавіта сатана ад самых пачаткаў стварэньня здаваўся меў перавагу, але прыбудзе
сын жанчыны, які яму скрышыць галаву. Такім чынам, за пасрэдніцтвам патомства жанчыны,
сам Бог пераможа . Гэтаю жанчынаю ёсьць Найсьвятая Дзева Марыя, ад якой нарадзіўся
Ісус Хрыстос, Які перамог на заўсёды спакусіцеля. Дзеля гэтага на многіх карцінах
або статуях Непарочнай, Яна прадстаўляецца ў жэсьце скрышэньня змея пад сваімі нагамі. За
тое Эвангэліста Лука,- сказаў далей Бэнэдыкт 16,- прадстаўляе Дзеву Марыю, якая атрымлівае
пасланьне ад Анёла Гаўрыіла, які быў пасланы Богам. Марыя прадстаўляецца як пакорная
і сапраўдная дачка Ізраіля, сапраўдны Сыён у якім Бог жадае пасяліцца. Парастак з
якога мае нарадзіцца Мэсыя. У адрозьненьне ад Адама і Эвы, Марыя астаецца паслухянаю
волі Госпада, прамаўляючы сваё “так”. Ёсьць новаю Эваю, сапраўднаю “Маці ўсіх жывучых”,
якія дзякуючы веры ў Хрыста атрымаюць жыцьцё вечнае. Пасьля адгаварэньня Багародзічнае
Малітвы Папа прывітаў вернікаў прысутных на Плошчы Сьвятога Пятра запрашаючы ўсіх
прыбыць сёньня на Гішпанскую Плошчу ў Рыме Таксама і сёньня,
пасьля абеду, ужо паводле традыцыі, наведаю манумэнт Ёй прысьвечаны, што знаходзіцца
на Гішпанскай Плошчы.