Патрыярх Канстантынопаля дацэньвае намаганьні Рыму ў карысьць адзінства хрысьціян
Далікатнае для праваслаўных пытаньне ролі Біскупа Рыму выклікала ў каталіцка-праваслаўных
адносінах скандальныя спрэчкі. Развязка гэтае праблемы абазначала б адстараненьне
сур”ёзнае перашкоды на дарозе да поўнага адзінства. Падкрэсьліў гэта Барталаіей І-ы,
сустракаючыся 30-га лістапада з кардыналам Вальтэрам Каспэрам, якія ўзначальваў ватыканскую
дэлегацыю, што прыбыла ў Канстантынопалям на сьвяткаваньні ў гонар Сьвятога Апостала
Андрэя. У прамове да ватыканскае дэлегацыі Барталамей І-ы падкрэсьліў значэньне
гэтага штогадовага візыту. На ягоную думку ён паказвае, што Рымскі Касьцёл жадае
рабіць ўсё, што ў ягонай сіле, каб адшукаць адлзінства веры і сакрамантальную супольнасьць
з праваслаўнымі. Патрыярх Канстантынопаля спаслаўся да апошняе пленарнае сэсіі каталіцка-праваслаўнае
камісіі тэалагічнага дыялогу, якая адбылася нядаўна на Кіпры. Узьнята на ёй ролю
Біскупа Рыму ў Касьцёле першага тысячагоддзя.. “Вывучэньне гісторыі Касьцёла ў гэтым
пэрыядзе дазволіць таксама ацаніць далейшае разьвіцьцё здарэньняў, якія наступілі
ў другім тысячагоддзі”,- сказаў Патрыярх. На жаль давяло яно да яшчэ большага аддаленьня
паміж намі і пабольшыла падзелы. Праўда аднак не баіцца дыялогу, але наадварот, паслугоўваецца
ім як сродкам, каб дайсьбці да тых, якія з розных прычын не жадаюць яе прыняць”,-
дадаў Барталамей І-ы прамаўляючы да ватыканскае дэлегацыі.