Агульная аўдыенцыя Сьвяцейшага Айца ў сераду 2-га сьнежня
Адбылася яна на Плошчы Сьвятога Пятра. Прыбыло на яе многа вернікаў і паломнікаў
з кожнага кутку сьверу. У сваёй катахэзе Папа пазнаёміў вернікаў з постацю бэльгійскага
манаха Гіёма дэ Сэн Теры Нарадзіўся
ён у Л”еж каля 1075-га году ў шляхецкай сям”і. Атрымаў грунтоўную адукацыю ў боку
Абэлярда і Бэрнарда з Клерво. У 1113-м годзе ўступіў да Бэнэдыктынскага манастыра
ў Сэнт Элі. Пасьля некалькіх гадоў стаў яго Абатам. З вялікім энтузыязмам Гіём ангажаваўся
ў аднаўленьне манаскага жыцьця,- сказаў Папа ў часе сёньняшняе аўдыенцыі. У выніку
супраціўленьня некаторых сабратаў манастыра ён пакінуў яго ў 1135-м годзе і ўступіў
да Айцоў Цыстэрцаў у Сыні. Памёр у 1148-м годзе. Першы з яго твораў быў азагалоўлены:
“Аб натуры і годнасьці любові”. Даказваў у ім, што любоў ёсьць асноўнаю энэргіяю,
якая ажыўляе душу чалавека. Таму першым заданьнем чалавека ёсьць навучыцца сапраўды
шчырай і бескарысьлівай любові. Толькі ў Божай школе можна навучыцца гэтага мастацтва. Таксама
і ў іншых творах Гіём уздымае тэму любові. Дае вялікае значэньне пачуцьцёваму перажываньню
адносінаў з Богам, які стаў чалавекам, нас палюбіў чульліваю, далікатнаю і шчыраю
любоў”ю. Паводле Гіёма,- сказаў на заканчэньне Бэнэдыкт 16,- любоў асьвячае чалавечую
інтэлігенцыю і дазваляе глыбей пазнаць Бога, другога чалавека і сэнс штодзённых здарэньняў.
На заканчэньне аўдыенцыі Папа прывітаў ўсіх вернікаў, асабліва хворых, моладзь ды
новыя шлюбныя пары, надзяляючы на ўсіх сваё Апостальскае Блаславенства.