Lufta kundër varfërisë, shteti i së drejtës dhe mbrojtja e ambientit në qendër të
takimit të Papës me presidentin peruvian
(30.11.2009 RV)Sot paradite, Papa Benedikti XVI priti në audiencë presidentin
e Republikës së Perusë, Alan Garsia Pérez, i cili më pas u takua me sekretarin e Shtetit
të Vatikanit, kardinalin Tarçizio Bertone dhe më atë për Raportet me Shtetet, imzot
Dominik Mambertì. “Bisedimet e përzemërta – shkruhet në komunikatën e Sallës vatikanase
të Shtypit – lejuan shkëmbimin e frytshëm të opinioneve mbi temat e skenarit aktual
ndërkombëtar, sidomos në atë rajon. U ndalën më pas në disa aspekte të situatës në
Peru, në veçanti në impenjimin e qeverisë për çrrënjosjen e varfërisë, për nxitjen
e shtetit të së drejtës, për ruajtjen e ambientit, si edhe për bashkëpunimin ndërmjet
Kishës e shtetit”.