Հորիզոն շաբաթաթերթը Քանատայի վարչապետին յատուկ պատուոյ գիրին արժանացած ։ Այս տարի
իր 30-ամեակը նշող քանատահայութեան Հորիզոն շաբաթաթերթը արժանացած է Քանատայի վարչապետին
յատուկ պատուոյ գիրին։ Քանատայի փոքրամասնութիւններու հրատարակութիւններու արդէն աւանդական
դարձած տարեկան հաւաքին ընթացքին, վարչապետ Սթիվըն Հարփըր այդ երկրի 15 համայնքային թերթերուն
շարքին Հորիզոնի խմբագիր Վահագն Գարագաշեանին յանձնած է տարեկան բացառիկ մրցանակը։ Յայտնենք,
որ Վ Գարագաշեան ընտրուած է Քանատայի հրատարակութիւնները միաւորող մամլոյ խորհուրդի կեդրոնական
վարչութեան պատուաւոր անդամ։ Ռ Վ հայերէն հաղորդումներու անձնակազմը կը շնորհաւորէ
Հորիզոնի խմբագրական կազմը ու տնօրէնը հայ մամուլի միջոցաւ հայապահպանման ի խնդիր տարած
աշխատանքին համար մաղթելով առաւել յաջողութիւն։