39 të vdekur nga sulmi i djeshëm në Filipine. Presidentja Gloria Arrojo shpall gjendjen
e jashtëzakonshme në një pjesë të jugut.
(24.11.2009 RV)Arriti në 39 numri i të vdekurve në sulmin e djeshëm me ngjyra
politike në Filipine. Policia gjeti sot edhe trupat e 15 personave të tjerë. Të mbijetuarit
janë katër sipas burimeve të policisë. Gjithnjë sipas burimeve të policisë afro njëqind
vetë sulmuan një grup prej dyzet personash që po shkonte për të depozituar dokumentet
për kandidaturën e zëvendës kryebashkiakut të qytetit Buluan, Esmael Mangudadatu për
zgjedhjet e ardhshme të majit. Ndër viktimat gruaja e Esmaelit si edhe 17 gazetarë
e përfaqësues të organizatave të ndryshme për të drejtat e njeriut. Deri tani policia
dyshon tek familja e Ampatuan që është rivale politike e familjes Mangudadatu. Në
këto kushte presidentja e Filipineve Gloria Arrojo shpalli dje gjendjen e jashtëzakonshme
në një pjesë të jugut të vendit.