Малітоўны ўспамін ахвяраў галадамору на Украіне 1932-33 гадоў адбыўся не толькі ў краіне, але і па-за яе межамі.

У Брусэлі Літургічны рэквіем у катэдры Архістратыга Міхала і Гудулі сабраў сотні вернікаў. Архіярэйскую Літургію і паніхіду адслужыў біскуп для украінцаў Францыі, краін БеНіЛюкса і Швэйцарыі ўладыка Міхаіл. Амбасадар Рэспублікі Ўкраіна ў Бельгіі і Люксамбургу сп. Яўген Бершэда выступіў з прамоваю, прыпомніўшы трагічную гісторыю гэтага перыяду для свайго народа. Ён падзякваў парламантам 21 краіны свету, якія ўшанавалі ў гэты дзень памяць ахвяраў Галадамору, падкрэсліўшы, што парламанты 13 краін свету ў сваіх рэзалюцыях прызналі яго па прызнаку генацыду супраць украінскага народу. Пасол Украіны выказаў спадзяванне, што такую афіцыйную ацэнку галадамору дасць таксама парламант Бельгіі.