Կիրակնօրեան աւետարանական ընթերցում

Կիրաիկի 22 նոյեմբեր, Բ. Կիրակի Յիսնակաց:

Ընթերցում Ս. Ղուկաս Աւերարանէն 12 գլուխ, 13-31 համարները։

Կիրակնօրեան աւետարանական ընթերցում

Կիրաիկի 22 նոյեմբեր, Բ. Կիրակի Յիսնակաց:

Ընթերցում Ս. Ղուկաս Աւերարանէն 12 գլուխ, 13-31 համարները։



Ընթերցուած Սուրբ Ղուկաս Աւետարանէն



¹³Մէկը բազութեան մէջէն, ըսաւ Յիսուսի. ’’Վարդապե՛տ, ըսէ եղբօրս որ ժառանգութիւնը բաժնուի հետս’’: ¹⁴Յիսուս պատասխանեց. ’’Ո՞վ դրաւ զիս դատաւոր՝ ձեր վրայ կամ ձեր ինչքերը բաժնող’’: ¹⁵Յետոյ աւելցուց. ’’Զգուշացէք ամէն ընչաքաղցութենէ, որովհետեւ նոյնիսկ հարստութեան մէջ մարդուն կեանքը կախում չունի ինչքերէն’’: Եւ այս առակը պատմեց անոնց. ¹⁶’’Հարուստ մարդու մը կալուածները առատ բերք տուին: ¹⁷Մարդը ինքնիրեն կը մտածէր. ‘Ի՞նչ պիտի ընեմ, քանի որ բերքս ամբարելու տեղ չունիմ’: ¹⁸Յետոյ ինքնիրեն ըսաւ. ‘Գիրեմ թէ ինչ պիտի ընեմ. կը քանդեմ շտեմարաններս եւ աւելի մեծերը կը շինեմ եւ կ’ամբարեմ բոլոր ցորենն ու ինչքերս, ¹⁹ապա ես ինծի կ’ըսեմ. ’Ահաւասիկ ամբարուած անսպառ պարէն ունիս երկար տարիներու համար. հանգստացիր, կե՛ր, խմէ՛ եւ զուարճացի՛ր’: ²⁰Բայց Աստուած ըսաւ անոր. ‘Անմիտ, այս գիշեր իսկ հոգիդ պիտի պահանջեն քեզմէ եւ ամբարածդ որո՞ւ պիտի մնայ’: ²¹Ահաւասիկ ի՛նչ կը պատահի անոր որ ինքնիրեն համար գանձեր կը հաւաքէ, փոխանակ հարստանալու Աստուծոյ առջեւ’’: ²²Յետոյ Յիսուս ըսաւ իր աշակերտներուն. ’’Ասոր համար կ’ըսեմ ձեզի, մի՛ մտահոգուիք ձեր կեանքին համար թէ ի՛նչ պիտի ուտէք, ո՛չ ալ ձեր մարմնին համար թէ ի՛նչ պիտի հագնիք: ²³Կեանքը աւելի կ’արժէ քան սնունդը եւ մարմինը՝ աւելի քան հագուստը: ²⁴Դիտեցէք ագռաւները, որոնք ո՛չ կը ցանեն, ո՛չ կը հնձեն, ո՛չ շտեմարան ունին եւ ո՛չ ալ մարան. սակայն Աստուած զանոնք կը կերակրէ. որքան աւելի ձեզ՝ որ թռչուններէն աւելի կ’արժէք: ²⁵Ո՞վ ձեզմէ, հոգ ընելով կրնայ կանգուն մը աւելցնել իր հասակին վրայ: ²⁶Եթէ ուրեմ այսքան փոքր բանի մէջ անկարող էք, ինչո՞ւ կը տագնապիք միւսներու համար: ²⁷Նայեցէ՛ք շուշանին. ո՛չ կը մանէ, ո՛չ ալ կը հիւսէ եւ սակայն նոյնինքն Սողոմոն իր բոլոր պեճանքներուն մէջ անոնցմէ մէկուն պէս չհագաւ: ²⁸Եթէ Աստուած դաշտերու վրայ այդպէս կը զգեստաւորէ խոտերը, որ այսօր կան եւ վաղը կրակի մէջ կը նետուին, որքա՜ն աւելին պիտի ընէ ձեզի, թերահաւատնե՛ր: ²⁹Ուրեմն դուք մի՛ փնտռէք թէ ինչ պիտի ուտէք կամ ինչ պիտի խմէք. մի՛ մտահոգուիք: ³⁰Ոտովհետեւ այս ամէնը աշխարհի հեթանոսները կը փնտռեն, իսկ ձեր երկնաւոր Հայրը գիտէ ձեր կարիքները: ³¹Դուք փնտռեցէք Աստուծոյ Արքայութիւնը եւ այդ ամէնը աւելիով պիտի տրուի ձեզի’’: