լուրեր հայ երաժիշտներու մասին։

լուրեր հայ երաժիշտներու մասին։

Կիպրահայ երգիչ Յովիկ Տեմիրճեան կը շարունակէ իր յաջող երթը X-Factor-ի յայտագրէն
Կիպրահայ երիտասարդ երգիչ Յովիկ Տեմիրճեան, արդէն երեք շաբաթէ ի վեր ելոյթ կ'ունենայ Յունաստանի ANT-1 կայանի X-Factor ծրագրէն։ Ան տարբեր երգեր մեկնաբանելով արժանացած է քննիչ յանձնախումբի եւ ժողովուրդի գնահատանքին ու համակրանքին։ Վկայ՝ SMS պատգամներով ուղարկուած քուէները, ի նպաստ տաղանդաւոր Յովիկին։ Կիպրահայերն ու յունահայերը մեծ խանդավառութեամբ կը հետեւին երիտասարդ երաժիշտի ջանքերուն, որ ամէն Ուրբաթ գիշեր ելոյթ կ'ունենայ յունական հեռատեսիլի պաստառէն, քաղցրահնչիւն իր ձայնով մեկնաբանելու համար տարբեր երգեր։ Քննիչ յանձնախումբը լաւագոյն խօսքերով կարտայայտուի իր մասին։ Յովիկ հպարտութեան զգացումով, միշտ իր ազգութեան կ'անդրադառնայ, տրուած ամէն պատեհ առիթի։

Ուքրանիոյ Քիէվի մէջ Շաբաթ 21 Նոյեմբերի երեկոյեան, տեղի կունենայ Eurovision junior երաժշտական մրցումը
Եւրոպայի երկիրներու միջեւ կայացող մանկական երաժշտական այս մրցումին, Հայաստան երկրորդ անգամ ըլլալով ներկայութիւն կը բերէ՝ Լորա Հայրապետեանի մասնակցութեամբ։ 12-ամեայ աղջնակը, Ուքրանիոյ Սփորց Փալասի բեմ պիտի բարձրանայ, Շաբաթ 21 Նոյեմբերի երեկոյեան, մեկնաբանելու համար իր հեղինակած Պարչելոնա խանդավառ երգը, հետեւեալ բառերով-
Խաթութիկ սիրուն գնդակ
Իմ եղբօր դու սէր միակ,
Երազանքի թիմն է իր՝ Պարչելոնան։
Բայց եղբայրս լաւ գիտի,
Որ իր թիմն ալ յաղթի,
Մեծանայ երբ ու դառնայ
Պարչելոնա։ ...Երեւանը երբ յաղթի,
Իր երազին նա կը հասնի,
Մեծ գաւաթը (նրան) կը յանձնի՝ Պարչելոնան։


-Նոյեմբեր 19-ին Թումանեանի անուան Տիկնիկային թանտրոնին մէջ հնչեց ռոք երաժշտութիւն՝ գերմաներէն ու հայերէն։ Հայաստանում Գերմանիայի շաբաթներ - 2009 ծրագրի աւարտին Հայաստանի մէջ Գերմանիայի դեսպանատունը ներկայացուց Ֆոտոս ռոք խումբը, իսկ հայկական Բամբիռ-ը եղաւ համերգի յատուկ հիւրը։ Գերմանական Ֆոտոս խումբը ստեղծուած է 2005թ-ին, կը գործէ Համպուրկի մէջ ու հրապարակած է 2 ալպոմ։


Սիրանուշ Չալըքեան՝ Ռիխարտ Շթրաուսի օփերայով հանդէս կուգայ Աթէնքի Լիրիքի սքինիէն։ Օփերայի յունահայ սիրուած երգչուհի Սիրանուշ Չալըքեան, երկու բացառիկ առիթներով, հանդէս կուգայ Ռիխարտ Շթրաուսի օփերայով, որ պիտի ներկայացուի Աթէնքի Լիրիքի սքինիի բեմէն։
Կիրակի 22 Նոյեմբերին, եւ Ուրբաթ 27 Նոյեմբերին, Սիրանուշ Չալըքեան պիտի մեկնաբանէ Շթրաուսի Արիատնին Նաքսոսի մէջ օփերայի գլխաւոր դերերէն հանդիսացող՝ Ցերպինեթայի դերը։ Ներկայացման ղեկավարն է Փոքոր, իսկ բեմադրութիւնը կը պատկանի Արլոյի։