Nisi në Vatikan konferenca ndërkombëtare për personat e shurdhër dhe rolin e tyre
në Kishë.
(19.11.2009 RV)U hap sot paradite
në Vatikan konferenca ndërkombëtare e Këshillit Papnor për Baritorinë e Veprimtarëve
Shëndetësorë me titull: “Effatà. Të shurdhërit në jetën e Kishës.” Pjesëmarrësit janë
më shumë se 500 dhe vijnë nga 67 vende. Konferenca u hap me fjalimin e kryeipeshkvit
Zikmunt Zimovski. Ta dëgjojmë si u shpreh ai në mikrofonin e radios sonë:
Përgjigje:
Do te diskutojmë mbi problemin e parandalimit dhe të mjekimit të shurdhësisë, duke
treguar shkaqet kryesore dhe çështjet që kanë të bëjnë me ndihmat e mundshme siç janë
aparatet akustike, të jashtme dhe të brendshme. Kaq përsa i përket këndvështrimit
mjekësor. Por gjithashtu ne dëshirojmë të vëmë në pah edhe përmasën fetare, dmth kujdesin
baritor të shurdhmemecëve në gjirin e Kishës. Në paraqitjen e programit kemi thënë
se fjalimet që do të mbahen në sallë do të shqyrtojnë anën sociologjike, psikologjike,
mjekësore, familjare e mbi të gjitha, edhe atë baritore. Është një rast i mirë ky
për të parë edhe përvojat e fituara në fusha të ndryshme dhe për të ravijëzuar elementet
e suksesit dhe rrugët e shtigjet e dobishme për integrimin e të gjithë atyre që vuajnë
nga kjo sëmundje.