У Сэрбіі працягваецца трохдзённая жалоба пасьля сьмерці Патрыярха Паўле, паховіны
якога адбудуцца ў чацьвер 19-га лістапада. Прэсавы Прадстаўнік Ватыкану айцец Фэдэрыко
Лёмбардзі ў інтэрв”ю для сэрбскага радыё і тэлебачаньня прыпомніў ягонае запрашэньне
ў Сэрбію ўдзельнікаў каталіцка-праваслаўнага тэалагічнага дыялогу. Папа Бэнэдыкт
16 даведаўся аб кепскім стане здароў”я Патрыярха Паўле ад Прэзыдэнта Сэрбіі, які адведаў
Ватыкан 14-га лістапада. Сьвяцейшы Айцец запэўніў Борыса Тадіча аб сваёй малітве
за паміраючага герарха. “Можна затым сказаць, што Папа асабіста быў духоўна вельмі
блізка Патрыярха,- дадаў айцец Лёмбардзі. Увесь Каталіцкі Касьцёл ўдзельнічае разам
з Папам у жалобе Сэрбскае Праваслаўнае Царквы і даручае Богу гэтага вялікага Пастыра”. Спэцыяльнае
спачувальнае пасланьне на рукі тымчасовага заступніка Патрыярха Паўле, мітрапалітва
Амфілогія, накіраваў карыднал Вальтэр Каспэр. Старшыня Папскае Рады да спраў Падтрымліваньня
Адзінства Хрысьціян, між іншым, з прызнаньнем піша аб пастырскай паслузе, якую Патрыярха
Паўле выконваў у цяжкіх гадах балканскага канфлікту. “Міма так вялікіх цярпеньняў
астаўся Ён чалавекам веры і дыялогу, пакорным і радасным, сьветлым прыкладам жыцьця
поўнасьццю адданага Богу, ахоўваючы ды адначасна разьвіваючы дух адзінства ў Сэрбскай
Праваслаўнай Царкве”- напісаў кардынал Каспэр.