Sulme të reja në Afganistan e në Pakistan: 12 viktima në Peshauar
(13.11.2009 RV)Ditë e përgjakshme për Afganistanin e Pakistanin. Dy atentate
të talebanëve goditën një bazë të NATO-s në Kabul e një zyrë të sigurimit ushtarak
pakistanez në Peshauar. Në Kabul u plagosën katër ushtarë të kontingjentit ndërkombëtar
e katër civilë afganë, por dëmet më të rënda qenë në Peshauar. Shpërthimi shkaktoi
vdekjen e 12 vetëve dhe plagosjen e 35 të tjerëve. Dje, presidenti amerikan Barak
Obama, në përfundim të këshillit të luftës, bëri të ditur se do të rrisë numrin e
trupave amerikane në Afganistan, vetëm nëse presidenti Karzai do të tregojë me vepra
se lufton korrupsionin e vetëm nëse do të marrë në dorë kontrollin e territorit brenda
një kohe të arsyeshme.