Լուրեր հայկական կեանքէն

ՕՀԱՆ ԴՈՒՐԵԱՆԻ ՅՈԲԵԼԵԱՆԻՆ ՆՈՒԻՐՈՒԱԾ ՀԱՄԵՐԳ ԵՐԵՒԱՆԻ ՄԷՋ

Երեւանի սենեկային երաժշտութեան տան մէջ, Նոյեմբեր 3-ին, կազմակերպութեամբ Հայաստանի մշակոյթի նախարարութեան, տեղի ունեցաւ Սպեղանի երգչախումբին համերգը, որ նուիրուած էր յայտնի երգահան Օհան Դուրեանի յոբելեանին։ Սոյն համերգին Սպեղանի երգչախումբին գեղարուեստական ղեկավարն էր Սարինա Աւթանդիլեանը։

Նշենք, որ Սպեղանի երգչախումբը, որուն ընկերակցած էր դաշնակի վրայ Ադա Մինասեանը եւ երգեհոնի վրայ Աննա Բակունցը, միասնաբար հնչեցուցած են՝ Պախի, Ֆորթէի, Փիացոլլայի, Մանսուրեանի, Տէրտէրեանի եւ Երկանեանի ստեղծագործութիւնները։



ԴԱՆԻԷԼ ԵՐԱԺԻՇՏԻ ՀԱՅԱՍՏԱՆԸ ԵՐԳԵՐՈՒՄ ԺՈՂՈՎԱԾՈՒԻ ՆՈՐ ՀԱՏՈՐԻ ՇՆՈՐՀԱՀԱՆԴԷՍԸ։

Դանիէլ Երաժիշտի Հայաստանը երգերում 4-րդ հատորի շնորհահանդէսը՝ նուիրուած էր 1999ի հոկտեմբերի 27-ին Ազգային ժողովին կատարուած ոճրագործութեան զոհ դարձած Եուրի Բախշեանի յիշատակին։ Հանդիպումին ներկայ էին ի շարս որոնց Հ Հ վարչապետ Տիգրան Սարգսեան, Անահիտ Բախշեանը, նախարարներ Յասմիկ Պօղոսեան եւ Հրանուշ Յակոբեան։ Եուրի Բախշեանի գործունէութեան մասին պատմող տեսաժապաւէնը դիտելէն յետոյ, Դանիէլ Երաժիշտի ղեկավարութեամբ հնչեց Պետրոս Ղափանցիի (18-րդ դարէն) տաղը։ Խմբավարը, որ կը մեկնաբանէր իւրաքանչիւր երգի խորհուրդը, յիշեցուց, որ Պետրոս Ղափանցին առաջինն էր, որ վարդը դիտեց որպէս հայրենիքի խորհրդանիշ։

Հանդիսութիւնը վերջ գտաւ Եուրի Բախշեանին նուիրուած երգով մը, որուն հեղինակն է Բախշեանի քոյրը՝ Կարինէ Ժամկոչեան-Քելեճեանը։


ԹՈՒՐՔԻԱ - Յառաջիկայ Կիրակի Կեսարիոյ մէջ պիտի օծուի վերանորոգուած Սբ. Գրիգոր Լուսաւորիչ եկեղեցին, այն 7 եկեղեցիներէն մէկը , որ կը գտնուի Կ. Պոլսոյ հայոց պատրիարքարանի հովանաւորութեան տակ։ Նոյն շարքին մէջ է նաեւ Տիարպէքիրի Սբ. Կիրակոս եկեղեցին, որուն վերանորոգման մասին պաշտօնապէս յայտարարուած է Հոկտեմբեր 30ին՝ Կ. Պոլսոյ հայոց պատրիարքարանի կրօնական ժողովի ատենապետ Արամ արք. Աթէշեանի կողմէ:
Արամ արք. հակիրճ կերպով անդրադարձած է եկեղեցւոյ պատմութեան։ «Քաղաքին մէջ կայ նաեւ Սբ. Սարգիս եկեղեցին, նոյնպէս անխնամ վիճակի մէջ, որուն նորոգման համար կը պակսի անհրաժեշտ գումարը: Իսկ Սբ. Կիրակոսը, հարաւարեւելեան Թուրքիոյ մէջ, մեր պատմութիւնը վառ պահող հայկական միակ եկեղեցին է», յայտնած է Արամ արքեպիսկոպոս, եւ աւելցուցած՝ «այսօր ժողովուրդ չունինք Տիարպէքիրի մէջ, սակայն յոյսով ենք, որ Թուրքիոյ կամ արտասահմանի մէջ տարածուած տիարպէքիրցիները՝ զանազան առիթներով պիտի գան եւ այցելեն աղօթքի մեր այս տունը»: Այնուհետեւ, Տէրունական աղօթքով, սկսած են նշեալ եկեղեցւոյ վերանորոգման աշխատանքները:



ՄըքՔէյն Հայկական Ցեղասպանութեան Իրողութիւնը Կը Հաստատէ։
ՊՈԼԻՍ.- Թրքական «Էն. Թի.Վի.» պատկերասփիւռի կայանը, վկայակոչելով «Ամերիկայի ձայն» ձայնասփիւռի կայանը, կը յայտնէ, որ Միացեալ Նահանգներու վերջին նախագահական ընտրութիւններու հանրապետական թեկնածու Ճան ՄըքՔէյն յայտարարած է, որ Հայկական Ցեղասպանութիւնը պատմական իրողութիւն մըն է։ «Ամերիկայի ձայն»ի հետ հարցազրոյցի ընթացքին, իր ընտրապայքարին ընթացքին նման կեցուածք մը որդեգրել մերժած ծերակուտական ՄըքՔէյն յայտնած է, որ Հայկական Ցեղասպանութեան պնդումները հիմնաւորուած են փաստերով։
«Ես կը հաւատամ, թէ հայերու դէմ ցեղասպանութիւն կատարուած է եւ կը կարծեմ, որ ատոր հետ կապուած բաւական շատ փաստեր կան։ Նախապէս տեղի ունեցած իրադարձութիւնները հայ եւ թուրք ժողովուրդներն ու պետութիւնները չեն կրնար մոռնալ, եւ այդ պատճառով կը մտածեն յարաբերութիւնները բազմակողմանի կերպով զարգացնել։ Առաջին անգամն է որ կողմերը առաջընթացի քայլեր կը կատարեն, ինչ որ ողջունելի է», ըսած է հանրապետական ծերակուտականը։


Ս Հովհան Որոտնեցի Մեկնողական-իմաստասիրական ճառեր
Մայր Աթոռ Սուրբ Էջմիածնի Հրատարակչական բաժինը լույս է ընծայել Եկեղեցական մատենագրություն շարքի Դ հատորը՝` Սուրբ Հովհան Որոտնեցու մեկնողական-իմաստասիրական ճառերը։
Հատորը պարունակում է ԺԴ դարի Հայ Եկեղեցու նվիրյալ սպասավոր ու ականավոր աստվածաբան, մանկավարժ և փիլիսոփա Ս Հովհան Ոորտնեցու մեկնողա-իմաստասիրական բնույթի յոթ ճառերի քննական բնարերը՝` կից ծանոթարություններով ու ներածական ուսումնասիրությամբ հրատարակության պատրաստված Անուշ Մինասյանի կողմից։
Աշխատասիրությունը տպագրվել է Սարգիս Գաբրիելյան հիմնադրամի մեկենասությամբ։