Айцец Фэдэрыко Лёмбардзі: Ватыканскае Радыё не зарабляе на голасе Папы
Так сьцвердзіў гэнэральны дырэктар нашае радыёстанцыі знаёмлячы журналістаў з новым
компакт-дыскам: “Альма Матэр. Музыка з Ватыкану”. Компакт-дыск зьяўляецца прадуктам
фірмаў Сан Паўлё Мультімэдыя ды Унівэрсаль; спалучае музыку з голасам Папы Бэнэдыкта
16. Усе зацікаўленыя змаглі з ім пазнаёміцца 10-га лістапада ў сядзібе гарадзкіх
уладаў Рыму, якая месьціцца на славутым узгорку Капітоль. Айцец Лёмбардзі сказаў
пры гэтай нагодзе, што ініцыятыва выкарыстаньня голасу Папы у компакт-дыск паходзіць
ад фірмы Сан Паўлё Мультімэдыя, якая зьвярнулася да Ватыканскага Радыё аб скарыстаньні
голасу Бэнэдыкта 16-га. Наша радыёстанцыя перадала.- як сказаў прэсавы прадстаўнік
Ватыкану.- восем урыўкаў малітваў і разважаньняў Сьвяцейшага Айца аб марыйнай тэматыцы.-
ў гэтым сьпеў Рэджына Чэлі, які трывае 10-ць хвілін. Цэлы компакт-дыск працягваецца
49-ць хвілін. Апрача таго компакт-дыск “Альма Матэр” суправаджае відэо з выявамі
Папы Бэнэдыкта 16-га. У музычных найграньнях прыняў ўдзел Каралеўскі Філарманічны
Аркестр з Лёндану. Стваральнікі пластінкі запэўнілі, што частку даходаў прызначаць
на харытатыўныя ( міласэрныя) мэты,- сказаў дырэктар Ватыканскага Радыё. Падкрэсьліў
таксама, што наша радыёстанцыя пашырае голас Папы ў духоўных мэтах, без ніякіх матарыяльных
прыбыткаў.