Përfunduan ne Vatikan punimet e Kongresit të VI Botëror të Baritorisë për Emigracionin
(11.11.2009 RV)Përfunduan sot punimet e Kongresit të VI Botëror të Baritorisë
për Emigrantët e Refugjatët që u mbajt këtë javë në Vatikan mbi temën: “Një përgjigje
baritore ndaj fenomenit të emigracionit në epokën e globalizimit”. Emigracioni është
fenomen që prek të gjitha Vendet e botës, mjafton të theksojmë se janë 214 milionë
njerëz që lëvizin prej në vendi në një vend tjetër. “Sot duhet të kapërcejmë
friken që lind nga emigracioni shikuar si diçka e panjohur, e shpesh duke e reduktuar
si çështje e rendit publik që duket rregulluar me shtypje”, kështu pohoi presidenti
i Këshillit Papnor për Baritorinë e emigrantëve e të endacakëve, imzot Antonio Vejň.
“Shoqëritë e ardhshme do të jenë shumetnike, dhe kjo është një e mirë, sepse është
më mirë të kemi një botë të globalizuar se një botë të getizuar ( mbyllur)”, u tha
mes tjerash në këtë kongres në të cilin morën pjesë kardinaj, ipeshkvij, meshtarë,
rregulltare, laikë të impenjuar në këtë fushë e përfaqësues të Këshillit Ekumenik
të Kishave, të Patriarkanës Ekumenike, të Bashkësisë Anglikane Federatës Botërore
Luterane, si dhe të Organizatave Ndërkombëtare, Lëvizjeve kishtare e shoqatave të
ndryshme. Ndër kryeipeshkvijtë pjesëmarrës të këtij Kongresi Botëror kushtuar
emigracionit, ishte edhe kryeipeshkvi shqiptar i Tivarit nga Mali i Zi, imzot Zef
Gashi. Ta dëgjojmë mendimin e tij mbi këtë kongres....