Franca dhe Mbretëria e Bashkuar bashkohen me Selinë e Shenjtë për një traktat mbi
tregtinë e armëve.
(11.11.2009 RV)Franca dhe Mbretëria e Bashkuar bashkëpunojnë me Selinë e Shenjtë
në impenjimin për një traktat, që kufizon tregtinë e armëve në nivel global. Në një
artikull, botuar dje nga ‘Osservatore Romano’, ministri francez i punëve të jashtme,
Bernard Kushner dhe ai britanik, David Miliband, nënvizojnë se, posaçërisht në vendet
e varfëra, armët ushqejnë konfliktet, shpërbëjnë shoqërinë dhe i pengojnë familjet
të shpëtojnë nga varfëria. Prandaj është detyrë urgjente morale të përballohet
ky problem, që ka dalë jashtë kontrollit: përhapja e pakontrolluar e armëve, të
cilat shpesh nisen nga tregje të paligjshme, për të shaktuar, në vendet e varfëra,
ditë për ditë, vdekjen e më se një mijë njerëzve të pambrojtur.