BE vendos më 19 nëntor për Presidentin dhe Ministrin e Punëve të Jashtme të BE-së
(11.11.2009 RV) Barroso: qeveritë të zgjedhin personalitete të forta. Presidenca
suedeze: emërimet e presidentit dhe të përgjegjësit për politikën e jashtme evropiane
do të vendosen në samitin e jashtëzakonshëm të 19 nëntorit. Pra,Bashkimi Evropian
më 19 nëntor do të zhvillojë një takim të nivelit të lartë të veçantë në të cilin
do të merret vendimi për funksionet e Presidentit dhe Ministrit të Punëve të Jashtme
të BE-së. "Samiti informal i BE-së do të ketë formën e një darke pune në Bruksel",
ka thënë për BBC-në zëdhënësi i presidencës suedeze të BE-së. Për bartësit e funksioneve
do të vendoset me votimin e shefave shteteve apo të qeverive të 27-shes. Besohet se
kryeministri belg Herman van Rompaj është favorit në garën për funksonin e presindetit.
Por përveç tij kandidat është edhe kryeministri holandez Jan Peter Belkenende,
e kolegu i tij nga Luksemburgu Zhan-Klod Junker . Ndërkaq për postin e Ministrit të
Punëve të Jashtme kandidat është ish-kryeministri italian Masimo d'Alema. Në samitin
informal të BE-së do të vendoset edhe për funksionin e tretë - të Sekretarit të Përgjithshëm
të sekretariatit të Këshillit të Evropës.