Presidenti Obama dhe kryeministri Netanijahu takohen në Uashington.
(10.11.2009 RV)Vetëm një komunikatë e shkurtër, e përgjithshme, pa fotografi
dhe pa asnjë konferencë për shtyp në përfundim të takimit ndërmjet presidentit amerikan
Barak Obama dhe kryeministrit izraelit Beniamin Netanijahu zhvilluar dje në Uashington.
Heshtja e papritur e shtypit amerikan dëshmon për krizë politike ndërmjet SHBA dhe
Izraelit. Presidenti Obama do që procesi i paqes në Lindje të Mesme të rifillojë por
deri tani nuk ka bërë asnjë përparim sepse izraelitët vazhdojnë të ndërtojnë ngulime
të reja kolonësh madje edhe në zonat e ndaluara nga plani Road Map.