(10.11.2009 RV)Me datën 16 nëntor Ati i Shenjtë Benedikti XVI do të vizitojë
selinë e Organizatës Botëroretë Kombeve të Bashkuara mbi sigurimin Ushqimor, F.A.O.,
që gjendet në Romë, me rastin e Konferencës së 36-të të nivelit të lartë botëror mbi
sigurinë ushqimore. Vizita e Benediktit XVI në selinë e FAO-s do të jetë vizita e
pestë e një Pape pranë kësaj organizate botërore. Po kujtojmë vizitën e parë
të Papës Palit VI me 16 nëntor 1970 me rastin e 25 vjetorit të themelimit të organizatës.
Pastaj vizitën e Papës Gjon Palit II me 12 nëntor 1979 me rastin e Konferencës së
20-të të kësaj organizate. Gjithnjë Papa Wojtila do ta vizitonte përsëri me 5 dhjetor
1992 me rastin e Konferencës ndërkombëtare mbi ushqimin dhe me 13 nëntor 1996 me rastin
e Samitit botëror mbi ushqimin.