Багародзічная малітва "Анёл Гасподні" ў Брэшы: -таямніца Марыі і Касьцёла
На заканчэньне Літургіі Папа разам з вернікамі адгаварыў гэтую марыйную малітву.
У разважаньні перад яе адгаварэньнем гаварыў аб марыйнай пабожнасьці, якою вылучаўся
Павал 6-ы, спалучаючы асобу Божае Маці з таямніцаю Касьцёла У гэтай пэрспэктыве
незабыўным ёсьць ягоная прамова на заканчэньне трэцяй сэсіі Другога Ватыканскага Сабору
21-га лістапада 1964-а году. У часе гэтай сэсіі была зацьверджана дагматычная Канстытуцыя
аб Касьцёле “Люмэн джэнтыўм”, ў якой ( як сказаў Павал 6-ы) “вяршынёю і ўкаранаваньнем
ёсьць цэлы разьдзел прысьвечаны Божай Маці”. Справа тут разыходзілася пра сынтэзіс
марыйнай дактрыны, якую выпрацаваў Паўсюдны Сабор. Яго мэтаю было “паказаньне аблічча
Сьвятога Касьцёла, з якім Марыя ўнутрана спалучана”. У гэтым кантэксьце Павал 6-ы
абвясьціў Найсьвятую Марыю “Маці Касьцёла”, падкрэсьліваючы, што “набажэнства да
Найсьвятой Дзевы Марыі становіць цэнтр сапраўды падпарадкаваны кіраваньню душаў да
Хрыста, каб такім чынам абьяднаць іх з Айцом у любові Духа Сьвятога”.