Dhoma e Deputetëve në SHBA miraton reformën shëndetësore
(09.11.2009 RV)U përshëndet si një vendim historik nga ana e Dhomës së Deputetëve
në SHBA, miratimi i tekstit të ligjit mbi reformën e sistemit shëndetësor amerikan.
Një masë kjo, për të cilën presidenti Obama nguli këmbë, duke mënjanuar kritikat e
opozitës republikane. Gjithsesi, që reforma të kthehet në ligj, është e nevojshme
që të miratohet edhe në Senat, ku demokratët kanë vërtet shumicën, por me një numër
që nuk u lejon atyre shumë hapësirë veprimi. Pika e kthesës u shënua nga eliminimi
i paragrafit, që kishte të bënte me rimbursimin e sigurimeve nga ana e shtetit, në
rastet e abortit, një normë e kundërshtuar fuqimisht edhe nga Kisha e SHBA-ve.