Kisha të jetë shenjë e ndritshme shprese për njerëzimin e “Tre mijëvjeçarit”: kështu
tha Benedikti XVI në Bresha duke kujtuar Palin VI e marrëdhënien e Kishës me botën.
(08.11.2009 RV)Bota ka nevojë për një Kishë të varfër e të lirë e Kisha ka
nevojë për një dialog me botën moderne, një marrëdhënie që Benedikti XVI e konsideron
“absolutisht qendrore”, për t’iu përgjigjur sfidave të tre mijëvjeçarit. Ky pra është
mesazhi që Papa Racinger i drejtoi besimtarëve e botës gjatë vizitës së tij të sotme
në Bresha, në nderim të figurës së Papës Palit VI. “Një Kishë e varfër dhe e
lirë, kështu duhet të jetë bashkësia kishtare, për t’i folur njerëzimit bashkëkohorë
“ e për t’i bërë ballë problemeve të sotme: krizës ekonomike, emigracionit, edukimit
të rinisë. Një sfidë kjo për të cilën foli edhe Pali VI në enciklikën e tij të parë
‘Ecclesiam suam’, e cila është edhe jashtëzakonisht aktuale dhe e dobishme. “Çështja
e Kishës, nevoja e sa sipas planit të shpëtimit e marrëdhënie e saj me botës - pohoi
Benedikti XVI në homelinë e Meshës kremtuan në Katedralen e Breshës, mbetët edhe sot
çështje absolutisht qendrore”, madje, “zhvillimet e shekullarizimit e të globalizimit
e kanë bërë edhe më rrënjësore, në ballafaqim me harresën e Zotin, nga njëra anë,
e me fetë tjera jo të krishtera, në anën tjetër”. “Takimin e dialogun e Kishës
me njerëzimin e kohës sonë e kishte përzemër edhe Pali VI në të gjitha stinët e jetës
së vet” - kujtoi Papa Racinger - i cili sot vizitoi Çonçezio, vendlindjen e Papës
Montini. Ndërgjegjja, ripërtëritja e dialogu, sipas Papës, duhet t’i frymëzojnë
marrëdhëniet ndërmjet Kishës e ‘botës moderne’, e cila duhet të përforcojë “jetën
e brendshme” duke pasur përherë në qendër varfërinë e dashurinë ungjillore.